ნინი ნიქაბაძე • 1625762339

ვარჯიშის გავლენა მენტალურ ჯანმრთელობაზე

საიდუმლო არ არის რომ ფიზიკურ დატვირთვასა და ვარჯიშს შეუძლია ხასიათის გამოკეთება და მოტივაციის ამაღლება. მთავარი ამის მიზეზი კი ის არის, რომ ვარჯიშის დროს სხეული ენდორფინს გამოყოფს.

ბევრმა არ იცის, თუ რამდენად მნიშვნელოვანი გავლენა შეიძლება იქონიოს ვარჯიშმა მენტალურ ჯანმრთელობაზე. სასიამოვნო ფაქტი კი ის არის, რომ მრავალმა კვლევამ აჩვენა, რომ ვარჯიშს დადებითი გავლენა გააჩნია ადამიანის ორგანიზმზე და გარდა იმისა რომ ის უზრუნველყოფს სხეულის ფორმების შენარჩუნებასა და გარეგნულ ცვლილებებს, არამედ აუმჯობესებს განწყობას, ხსნის დეპრესიასა და შფოთვურ აშლილობებს.

ვარჯიში არ არის ემოციური პანაცეა, მაგრამ ის არის ერთ-ერთი მთავარი დეტალი, რომელსაც შეუძლია სხეულისა და სულისთვის სიმშვიდის მოტანა.

და მაინც, რატომ აქვს ვარჯიშს ასეთი ძლიერი გავლენა მენტალურ ჯანმრთელობაზე?!

ვარჯიში ამაღლებს განწყობას, ხსნის სტრესსა და შფოთვურ აშლილობებს

კვლევების თანახმად, ზომიერი ინტენსივობის ვარჯიში დადებით გავლენას ახდენს მსუბუქი დეპრესიის მქონე ადამიანებზე. დატვირთული ვარჯიშები კი დეპრესიული აშლილობის მქონე ადამიანებს უმსუბუქებს სტრესს. ამავდროულად, აღსანიშნავია რომ ვარჯიში ხშირ შემთხვევაში დადებითად აისახება ხასიათზე, რაც მეტ მოტივაციას და დადებით ენერგიას აძლევს ადამიანს. 

უზრუნველყოფს მეხსიერების აღდგენას

''თქვენი სხეული ვარჯიშობს, გონება კი მეტ შესაძლებლობას იღებს'' - ასე ხსნიან ამერიკელი მეცნიერები ვარჯიშის ეფექტს ჩვენს გონებაზე. 

ერთ-ერთ კვლევაში აღნიშნულია, რომ აერობიკა აძლიერებს მაღალი დონის რეგიონების ფუნქციურ ასპექტებს, რომლებიც ჩართულნი არიან შემეცნების კონტროლში. აღსანიშნავია, რომ აერობიკა დადებითად აისახება ჩვენი ტვინის ფუნქციონალურობაზე. 

უზრუნველყოფს ძილის დარეგულირებას

ვარჯიშმა შესაძლოა გააუმჯობესოს როგორც  ძილის დრო, ასევე, ძილის ხარისხი. მიუხედავად იმისა, რომ ვარჯიშის ყველა ფორმას შეუძლია ძილის გაუმჯობესება, ექიმები გვირჩევენ ისეთ ვარჯიშებს როგორიცაა იოგა და პილატესი.

 

ზრდის ენერგიის დონეს

ვარჯიშის დროს დახარჯული ენერგია, რამდენიმე საათში ორმაგად გიბრუნდებათ. იგი აღვიძებს ორგანიზმს და მეტ სტიმულს აძლევს. არ არის აუცილებელი საათობით ვარჯიში, რათა მივიღოთ სასურველი შედეგი, არამედ საწყისი ეტაპისთვის უმჯობესია ყოველდღიურად გამოყოთ 15-20 წუთი. 

 

 

ესეც საინტერესოა: 15 წუთიანი ვარჯიში სახლის პირობებში