ნინო დიაკონიძე • 1649770093

როგორ გავუმკლავდეთ უძილობას?! - ვარჯიში და მენტალური ჯანმრთელობა

სწორი ძილის რეჟიმი მნიშვნელოვანია ორგანიზმის ძალების აღდგენისთვის, რასაც პირდაპირი გავლენა აქვს ადამიანი პროდუქტიულობაზე.  მიუხედავად ამისა, ხშირად გადატვირთული გრაფიკის, სტრესის და დაღლილობის დროს ძნელია დაძინება. ასეთ დროს ღამის რუტინას სასურველია დავამატოთ სხეულის გაწელვითი ვარჯიშები, რაც ხელს შეუწყობს სტრესის შემცირებასა და მოდუნებას. 
 
გაწელვა არა მხოლოდ მოდუნებაში გეხმარებათ, არამედ დადებით გავლენას ახდენს სხეულის ელასტიურობაზე.
 

მსუბუქი გაწელვის რუტინა აუმჯობესებს სისხლის მიმოქცევას, ამავდროულად, ამცირებს ზურგის და ხერხემლის ტკივილს და დაძაბულობას. 

რა უნდა გავითვალისწინოთ 

 

დარწმუნდით, რომ მიჰყვებით ინსტრუქტორის მითითებებს. სასურველია ვარჯიში დაიწყოთ ეტაპობრივად და თანდათან გაზარდოთ ვარჯიშის ინტენსივობა და დრო. 


თუ ვარჯიშისას გრძნობთ ტკივილს, წვას, დაბუჟებას ან ჩხვლეტას აუცილებელია, შეწყვიტოთ აქტივობა. 

დაგეგმეთ სხეულის გაწელვითი ვარჯიშები ძილის წინ დაახლოებით 30 წუთით ან ერთი საათით ადრე. 
რაც მთავარია, მოუსმინეთ თქვენს სხეულს. თქვენი სხეული მეტად გაძლიერდება და თქვენი ძილის რეჟიმიც დარეგულირდება, რადგან მსუბუქი ვარჯიშის შედეგად სხეულთან ერთად გონებაც ისვენებს. 


 
წარმოგიდგენთ ათწუთიან ვარჯიშს, რომელიც დაგეხმარებათ ძილის წინ დაძაბულობისა და სტრესისგან გათავისუფლებაში: