სოფო ვაკელაშვილი • 1649505506

როგორ დავიწყოთ გაზაფხული ჯანსაღად?

ზამთრიდან გაზაფხულისკენ

რთული დასაჯერებელია, მაგრამ უკვე გაზაფხულია, სეზონი, როდესაც ბუნებასთან ერთად ჩვენი ორგანიზმიც იღვიძებს.

გაზაფხული ყველასთვის ასოცირდება გამოღვიძებასთან, ახალ შესაძლებლობებთან, მზესთან და კარგ ხასიათთან. სასიამოვნო ამინდთან ერთად, გარეთ სასიამოვნო გარემოც გვხვდება. სწორედ მზის სხივები, თბილი ტემპერატურა  და სასიამოვნო გარემო გვაძლევს მოტივაციას ვიყოთ უფრო აქტიურნი. 

წარმოგიდგენთ რამდენიმე საინტერესო რჩევას, რომელიც დაგეხმარებათ გაზაფხულის ყოველი დილა უფრო მეტად ნაყოფიერი და სასიამოვნო გახადოთ:

დაიწყეთ ფიზიკური აქტივობა 

 

სასურველია გაზაფხულზე დაიწყოთ აქტიური ცხოვრება. კვირაში 4-5 დღის განმავლობაში, თუნდაც 30 წუთიანი ფიზიკური აქტივობა, დაგეხმარებათ თქვენი იმუნური სისტემა გაიძლიეროთ და თავიდან ავირიდოთ სეზონური ვირუსები. 

სუსხიანი დღეების შემდეგ ჩვენს ორგანიზმს სჭირდება ისეთი ფიზიკური აქტივობები, როგორიცაა, სირბილი, აერობიკა, იოგა, პილატესი ან უბრალოდ ველოსიპედით გადაადგილება. 

აღსანიშნავია, რომ ვარჯიში ადამიანის მენტალურ ჯანმრთელობასაც უწყობს ხელს. ვარჯიშის მეშვეობით თქვენი  ენერგიის დონე იზრდება, იკლებს ძილთან დაკავშირებული პრობლემები, ეს ყველაფერი კი თქვენს ხასიათზე დადებითად აისახება. 

უმეტესი ადამიანის დილა ყავით ან ჩაით ხელში იწყება. ექიმები კი გვირჩევენ, რომ  დილა 10-15 წუთიანი ვარჯიშით  დავიწყოთ, რათა მეტი ენერგია და ამაღლებული განწყობა შევინარჩუნოთ დღის განმავლობაში. 

მიიღეთ საკვები დანამატები

 

სწორი კვება მნიშვნელოვანია ადამიანის გონებისა და სხეულისთვის. ექიმები რეკომენდაციას უწევენ დილის ჯანსაღი საუზმით დაწყებას, რომელიც უზრუნველყოფს ორგანიზმის კეთილდღეობას.

გაზაფხულის სეზონის ჯანსაღად დასაწყებად წარმოგიდგენთ 10 აუცილებელ  პროდუქტს, რომელიც ორგანიზმს საჭირო ენერგიით და ვიტამინებით უზრუნველყოფს:

  • ბროკოლი
  • მოცვი
  • მწვანე ჩაი
  • კვერცხი
  • ფორთოხალი
  • ომეგა 3-ის შემცველი პროდუქტები
  • ბარდა
  • ლობიო
  • თხილეული 

უზრუნველყავით ორგანიზმის ჰიდრატაცია

 

მოგეხსენებათ, წყალი ორგანიზმისთვის ერთ-ერთი ყველაზე მნიშვნელოვანი რამაა. ზამთრის ცივი დღეების შემდეგ, ადამიანის ორგანიზმი განიცდის დეჰიდრატაციას და საჭიროებს წყლით შევსებას, ამ პროცესმა კი შეიძლება გამოიწვიოს თავის ტკივილი და ენერგიის ნაკლებობა. ამიტომ, არ და დაგავიწყდეთ ორგანიზმისთვის საჭირო რაოდენობის სითხის მიწოდება. 

 

დაარეგულირეთ ძილი

 

ძილის გრაფიკის დარეგულირება ყველა სეზონის განმავლობაში მნიშვნელოვანია, თუმცა ხშირ შემთხვევაში ზამთრის ბნელი და სუსხიანი დღეები უარყოფით გავლენას ახდენს ძილის გრაფიკზე, ამის გამო საჭიროა გაზაფხულის დღეები გამოიყენოთ თქვენი ძილის საათების დასარეგულირებლად, რაც თქვენს ორგანიზმს მეტი ენერგიით უზრუნველყოფს. 

და მაინც, რას იტყვით იმაზე, რომ გაზაფხული საკუთარ თავზე ზრუნვით დავიწყოთ?

 

ზამთრის ერთფეროვანი, სიბნელით მოცული და თოვლიანი საღამოები, გაზაფხულმა უნდა შეცვალოს სითბოთი და სიახლეებით. დიახ, ეს უკვე ბევრჯერ ითქვა, ამიტომ, რატომაც არა, რომ ეს პერიოდი დავუთმოთ რაიმე საინტერესოს, სრულიად განსხვავებულს, რაც მთლიან ჩვენს ცხოვრებას განსაკუთრებულს და მრავალფეროვანს გახდის.

დაუთმეთ საკუთარ თავს დრო, აღმოაჩინეთ ახალი წიგნები, აიღეთ მოკლე შვებულება ან უბრალოდ გაატარეთ თქვენი დასვენების დღეები ბუნებაში. 

გახსოვდეთ, გაზაფხული  ახალი, ნათელი, მზიანი დღეების დასაწყისია.