ნინი ნიქაბაძე • 1624703354

რა სურს სხეულს?! - მოძრაობა და ჯანსაღი ცხოვრების წესის საიდუმლო

საიდუმლო არ არის რომ ჩვენს ორგანიზმს სჭირდება მოძრაობა და აქტიური ცხოვრება. ყველა ასაკის სხეულს აქვს განსაზღვრული თუ რა რაოდენობის ვარჯიში და მოძრაობა სჭირდება. სამწუხაროდ, ბევრმა ადამიანმა არ იცის თუ რა ინტენსვიობით უნდა იყოს ფიზიკურად დატვირთული. იმისათვის, რომ გავიგოთ რა სჭირდება ჩვენს ორგანიზმს პირველ რიგში საჭიროა მოვუსმინოთ მას.

როგორ შეგიძლიათ გაიგოთ მოძრაობისა და ფიზიკური დატვირთვის დანაკლისის შესახებ?!

თქვენს ცხოვრებაში მეტი მოძრაობის საჭიროების სიმპტომები შეიძლება იყოს გამოხატული როგორც ფიზიკური ასევე ემოციური სახით.

ბევრ ადამიანს აწუხებს სხვადასხვა ჯანმრთელობის პრობლემა, რომელიც ხშირ შემთხვევაში ეფუძნება მათ ფიზიკურად პასიურ ცხოვრებას. ასეთი ჯანმრთელობის პრობლემები შეიძლება იყოს მაღალი წნევა, დიაბეტი, ქოლესტერინის ჭარბი რაოდენობა და ჭარბწონიანობა.

გარდა პირდაპირი ჯანმრთელობის პრობლემებისა, ფიზიკური დატვირთვის დანაკლისის გამო შესაძლებელია თქვენი ორგანიზმი გაძლევდეთ შემდეგ მინიშნებას:

👉მარტივი დაღლა

👉სუნთქვის უკმარისობა

👉ძალის მარტივი გამოლევა

👉უძილობა - ინსომნია

👉კანის სიმშრანე

👉გახშირებული შიმშილის გრძნობა

👉დაბალი იმუნიტეტი

 

გარდა ამისა, საჭიროა გავითვალისწინოთ ემოციური მხარე.

ემოციური და ფსიქიკური თვალსაზრისით, თქვენს ყოველდღიურ ცხოვრებაში არასრული ფიზიკური დატვირთვა შეიძლება გამოხატული იყოს დეპრესიით, დაძაბულობით, ფუკუსირების გაძნელებითა, ნერვული აშლილობითა და შფოთვებით.

 

როგორ გავაღვიძოთ ორგანიზმი?!

როცა გადაწყვეტთ თქვენი ორგანიზმისა და სხეული რუტინის დადებითად შეცვლას უნდა მოხდეს ეტაპობრივად. ცხოვრების წესის შეცვლა არც თუ ისე მარტივია, თუმცა არაფერია შეუძლებელი.

ნებისმიერი დამატებითი მოძრაობა, რასაც თქვენს ჩვეულებრივ ცხოვრების რეჟიმს შეადგენდა დადებითად აისახება თქვენს ორგანიზმზე. მაგალითად, თქვენ შეგიძლია დაიწყოთ სააღამოობით სეირნობა, ან ‘ლანჩზე’ გასვლა ფეხით ნაცვლად მანქანისა. ასეთი, მცირე დეტალები მარტივად და უმტკივნეულოდ შეცვლის თქვენ რუტინას.

ექიმები არ გვირჩევენ პირდაპირ მძიმე, ზედმეტად დატვირთულ ვარჯიშს, არამედ გვირჩევენ რომ მცირე, მოკლე ვარჯიშით ან სეირნობით დავიწყოთ ჩვევების ჩამოყალიბება.

თუ თქვენ არ შეგიძლიათ სავარჯიშო დარბაზში წასვლა, მაშინ თქვენ მარტივად შეგიძლიათ გაეცნოთ 15 წუთიან ვარჯიშებს, რომელიც თქვენს სხეულს ტონუსში მოიყვანს.

არ დაგავიწყდეთ, უსმინეთ თქვენს ორგანიზმს და გაიგეთ რა სურს  მას. გახადეთ თქვენი ცხოვრება მეტად აქტიური და მრავალფეროვანი. 

 

გაიგე მეტი: როგორი უნდა იყოს ჯანსაღი საუზმე?! – მთავარი ინგრედიენტები