ნინო დიაკონიძე • 1650713964

დილის იოგა - როგორ მოვიპოვოთ შინაგანი ბედნიერება

ჯერ კიდევ 5000 წლის წინ  ჩრდილოეთ ინდოეთში იოგა ადამიანების ყოველდღიურ განუყრელ აქტივობად მიიჩნეოდა. დღესდღეობით, კი ის ყველა ქვეყანაშია გავრცელებული და უამრავი ადამიანის ყოველდღიური ცხოვრების ნაწილია. საინტერესოა, რამ შეუნარჩუნა მას აქტუალობა და რა დადებითი შედეგები ახლავს იოგას. 

👉იოგა ამცირებს კუნთების დაჭიმულობას დილით იოგას ვარჯიში დაჭიმული კუნთებისა და სახსრების მოდუნებაში დაგეხმარებათ, ამავდროულად, მისი საშუალებით სისხლის მიმოქცევა უმჯობესდება.  

👉ეხმარება ორგანიზმს სტრესისგან გათავისუფლებაში - ჩატარებულმა კვლევებმა აჩვენა, რომ დილის იოგა ორგანიზმს სტრესისგან ათავისუფლებს, რაც ხელს უწყობს სხეულის, გონებისა და იმუნური სისტემის გაუმჯობესებას.

👉ორგანიზმი გამოიმუშავებს ბედნიერების ჰორმონებს - ჰორმონები დიდ როლს თამაშობენ განწყობის შექმნაში - დილით იოგას ვარჯიში ორგანიზმს ეხმარება დოპამინისა და ენდორფინის გამომუშავებაში, მათ ბედნიერების ჰორმონსაც უწოდებენ, ამიტომ იოგას ვარჯიში დღის პოზიტიურად და მხნედ დაწყების საწინდარია.
 

👉აუმჯობესებს საჭმლის მომნელებელ სისტემას - არაერთი კვლევა ადასტურებს რომ იოგა აძლიერებს მეტაბოლიზმს და ეხმარება ორგანიზმს საჭირო ნივთიერებების ათვისებაში.
 

👉აძლიერებს კონცენტრაციის უნარს - დილით იოგას ვარჯიში ხელს უწყობს კონცენტრაციის გაუმჯობესებას, რადგან  სუნთქვის ვარჯიშების დახმარებით ტვინი იღებს საჭირო რაოდენობით ჟანგბადს, რაც აუმჯობესებს მის მუშაობას.


 ხშირად ადამიანები დილით ვარჯიშისგან თავს იკავებენ, რადგან გადატვირთული გრაფიკის გამო სავარჯიშოდ ერთი საათით ადრე ადგომას ვეღარ ახერხებენ. იოგას შემთხვევაში 15-10 წუთიც კი საკმარისია დილის მოთელვითი ვარჯიშისთვის რაც დღის ჯანმრთელად და პოზიტიურად დაწყებაში დაგვეხმარება. 

გთავაზობთ იოგას 10-წუთიან ვარჯიშს, რომლითაც შეგიძლიათ ყოველდღიურად დაკავდეთ და რომელიც დღის პოზიტიურად და მხნედ დაწყებაში დაგეხმარებათ.