ნინი ნიქაბაძე • 1624691420

5 მარტივი ვარჯიში, რომელიც მუცლის შებერილობას მოგიხსნით

აიწიეთ ხელი თუ შებერილობა ნაცნობი გრძნობაა თქვენთვის და აბრალებთ PMS-ს ან უბრალოდ არაჯანსაღ საკვებს. ეს განცდა, თითქოს თქვენს მუცელში გაბერილი ბუშტია მოთავსებული ცნობილია როგორც მუცლის შებერილობა.

იქნება ეს ზედმეტი ჭამის ან გარკვეული სამედიცინო მდგომარეობის გამო, შებერილობა ერთ-ერთი ყველაზე არაკომფორტული მდგომარეობაა. კარგი ამბავი კი ის არის, რომ მუცლის შებერილობის უმრავლესობა მკურნალობას ექვემდებარება წამლის მიღების გარეშე.

და მაინც, თქვენი აზრით შეუძლია გაწელვებს და სპეციალურ ვარჯიშებს თქვენი დახმარება?

რა იწვევს შებერილობას?

ზოგიერთი საკვები უფრო მეტად უწყობს ხელს შებერილობისა და გაზების დაგროვებას. მათ შორის არის ოლიგოსაქარიდები (გვხვდება ხორბალში, ხახვში, ნიორში, პარკოსნებსა და ლობიოში), დისაქარიდები (გვხვდება ლაქტოზის შემცველ პროდუქტებში, როგორიცაა რძე, იოგურტი, ნაყინი და სხვა), მონოსაქარიდები (გვხვდება ვაშლში, მსხალში და ა.შ) და გარკვეული ტიპის შაქრები, რომლებიც გხვდება საღეჭ რეზინასა და ტკბილეულში.

შებერილობის სხვა გავრცელებულ მიზეზებში შედის ნაწლავის მაღალი მგრძნობელობა  და მცირე ნაწლავის ბაქტერიების ჭარბი ზრდა.

ღრმა სუნთქვითა და გაწელვითი ვარჯიშებით შესაძლებელია შებერილობის დაძლევა. და რა ჯობს იმას, რომ უკეთეს მონელებასთან ერთად ორგანიზმი გამოიმუშავებს მეტ ენერგიას?

წარმოგიდგენთ 5 მთავარ ვარჯიშს, რომელიც დაგეხმარებათ შებერილობასთან ბრძოლაში:

კატის პოზა

დადექით მუხლებით და ხელის მტევნებით იატაკზე. შესუნთქვის დროს აიტანეთ ხერხემალი ზემოთ, ხოლო თავი დახარეთ იატაკისკენ. გაჩერდით ამ პოზაში დაახლოებით 10-15 წამი და შემდგომ ამოისუნთქეთ. ამოსუნთქვის დროს დაუშვით ხერხემალი დაბლა, თავი და საჯდომი კი მაღლა ასწიეთ.  გაიმეორეთ მოცემული ორი პოზა თანმიმდევრობით, რათა გაახუროთ თქვენი ხერხემალი და მოიხსნათ კისრისა და ზურგის დაძაბულობა.

სფინქსის პოზა

დაწექით მუცლით იატაკზე, იდაყვები განალაგეთ მკერდთან ახლოს. თქვენი ცენტრი უნდა იყოს თქვენივე ხელები. აზიდეთ ზედატანი მაღლა, ხოლო ქვედატანი დატოვეთ იატაკზე. გაწელეთ ტორსი 10-15 წამის განმავლობაში და დაუბრუნდით საწყის პოზას.

 

თავდახრილი ძაღლის პოზა

თეძოს სიგანეზე გაშალეთ ფეხები და ფეხზე მდგარი პოზიციიდან გადაიხარეთ წინა მხარეს. ხელის გულები მოათავსეთ იატაკზე, ხოლო ფეხის ქუსლები ასწიეთ ჰაერში.

 

მიმართეთ ფეხები კედლისკენ

დაწექით იატაკზე, ზურგი გაამარეთ და ფეხები მიმართეთ კედლისკენ. საჯდომი მიამაგრეთ კედელს და დაჭიმეთ ფეხები. გაჩერდით დაახლოებით 30 წამი. ეს მარტივი მოძრაობა ხელს უწყობს სისხლის ნაკადის მიმოქცევას და ეხმარება საჭმლის მონელებას.

მჯდომარე წინ მოხრილი პოზა

დაჯექით იატაკზე და დაჭიმეთ ფეხები. გაიმართეთ წელში და ნელ-ნელა მიმართეთ წელი ფეხებისკენ. დააგრძელეთ კისერი და სცადეთ შეახოთ ხელები ფეხის თითებს. 

👉მარტივი და სასიამოვნო ვარჯიშით შეგიძლიათ განთავისუფლდეთ დისკომფორტისგან

 

გაიგეთ მეტი: თქვენ არ ხართ მარტო — 5 წუთიანი თავის მოვლის საშუალება მენტალური ჯანმრთელობისთვის