ანა გელენავა • 1633349185

ყველაფერი კერატინის შესახებ - რა საფრთხეების წინაშე გვაყენებს და ამართლებს თუ არა მოლოდინებს?!

თუ ბზინვარე, რბილი და სწორი თმის მისაღწევად სხვადასხვა საშუალებას ეძებდით, აუცილებლად გადააწყდებოდით ინფორმაციას კერატინის შესახებ.

რა არის კერატინი და იმსხურებს თუ არა ჩვენ ნდობას?!

კერატინი ცნობილია როგორც აღმდგენი, გამაჯანსაღებელი და დამარბილებელი ცილოვანი ნივთიერება, რომელიც თმას სწორ სტრუქტურას საშუალოდ 6 თვის განმავლობაში უნარჩუნებს. ბუნებრივად ყველა ადამიანის თმისა და ფრჩხილის შემცველობაშია, მაგრამ დროთა განმავლობაში ის ქრება. უკვე ხშირად გვხვდება სხვადასხვა თმის მოვლის საშუალებების შემადგენლობაში და გავრცელებული აზრის გამო, ბევრი მომხმარებელიც ჰყავს.

კერატინით სხვადასხვა პროცედურების ჩატარება საკმაოდ პოპულარულია, მაგრამ ბევრმა თუ იცის საშიშროებები. დაკვირვებებმა აჩვენეს, რომ კერატინის პროცედურები ისეთ ქიმიკატებს შეიცავს, რომლებიც უკიდურეს შემთხვევაში იწვევს სიმსივნეს და კანის სხვადასხვა დაავადებას. გარდა ამისა, შესაძლოა თმის ცვენის და შეთხელების მიზეზი გახდეს. სწორედ ამიტომ უამრავმა ცნობილმა და გამოცდილმა სტილისტმა უარი თქვა კერატინის პროცედურების ჩატარებაზე და ურჩია ყველას შეწყვიტონ კერატინის მუდმივი მოხმარება.

 

ღირს თუ არა ამ რისკებზე წასვლა 6 თვიანი შედეგისთვის?!

ეს თქვენ უნდა გადაწყვიტოთ, მაგრამ გაითვალისწინეთ, რომ შედეგი შეიძლება ისეთი არ აღმოჩნდეს როგორსაც ელოდებით. არის შემთხვევები, როდესაც კერატინი ვერ უმკლავდება ხვეული თმის სტრუქტურას და რამდენიმე კვირაშიც კი ქრება. პროფესიონალები გადააწყდნენ ისეთ პრობლემებს, როგორიცაა თმის სტრუქტურის შეცვლა და ბუნებრივი სტრუქტურის სრულად დაკარგვა

გარდა კერატინისა, უამრავი საშუალება და ბუნებრივი პროდუქტია თმის გასაჯანსაღებლად. ის საფრთხეები, რომელიც კერატინის პროცედურებს ახლავს თან, ძალიან სერიოზულია. თუ გსურთ თმის მოვლა და მისი გაჯანსაღება გამოიყენეთ პროდუქტები, რომლებიც საფრთხის გარეშე მიანიჭებს თმას ბზინვარებას.

ჩვენთვის ცნობილია რამდენიმე ზეთი, რომლის გამოყენებაც თმას მნიშვნელოვნად აჯანსაღებს და არბილებს.  მაგალითისთვის შეგვიძლია ავიღოთ სტაფილოს, ქოქოსის, ჟოჟობას და არგანის ზეთები.

მსგავსი სტატიები