საუკეთესო მაკიაჟი და ვარცხნილობები 2021 წლის Met Gala-დან

წლევანდელი Met Gala 13 სექტემბერს ჩატარდა და ვარსკვლავებმა ამერიკული მოდა წარმოგვიდგინეს. რამდენიმე ლუქმა დიდი მოწონება დაიმსახურა, მაგრამ კრიტიკის მსხვერპლი არცთუ ისე ცოტა ვარსკვლავი გახდა. 

ამ უმნიშვნელოვანეს ღონისძიებაზე ვარსკვლავები ძირითადად მსუბუქი მაკიაჟით გამოჩნდნენ. ვარსკვლავებმა ამ წლის რამდენიმე ტრენდი წარმოადგინეს: იასამნისფერი, ლურჯი და მწვანე ფერები, მსუბუქი მაკიაჟი, ტყავის ტანისამოსი და აქსესუარები.

Emma Chamberlain 

ყველასათვის საყვარელი იუთუბერი ემა ჩემბერლენი 60-იანებით შთაგონებული ვარცხნილობითა და მაკიაჟით გამოჩნდა თავის პირველ Met Gala-ზე. აქცენტი თვალებზე გააკეთა, რომელიც მწვანე ჩრდილით და შავი ფანქრით გამოყო. მაკიაჟი მას კელსი ფიშერმა გაუკეთა და  Byredo-ს პროდუქცია გამოიყენა. 

Kaia Gerber

 როგორც იცით, სუპერმოდელმა ბიანკა ჯაგერის ლუქი მოირგო. მის მაკიაჟზე ნინა პარკმა, ვარცხნილობაზე კი გუიდო პალაუმ იზრუნა. 

Lupita

ლუპიტამ  ვარცხნილობითა და მაკიაჟით თავისი გამორჩეული ლუქი შექმნა. მისი ნაწილობრივ ჯინსის კაბა ზუსტად საღამოს თემას მოერგო, რა არის იმაზე ამერიკული თუ არა ჯინსი? მის ვარცხნილობაზე ვერნონ ფარცოისმა იზრუნა, მაკიაჟი კი Lancome- ს და Armani Beauty-ს დახმარებით ნიკ ბაროსმა გაუკეთა. 

Jasmine Tookes

Victoria's Secret-ის მოდელი ახალი ვარცხნილობით გამოჩნდა ხალიჩაზე. მოკლედ შეჭრილი თმა და მსუბუქი მაკიაჟი კარგად მოირგო, მიუხედავად იმისა, რომ თვალებზე მუქი ჩრდილი ჰქონდა დატანილი. 

Kehlani

ამერიკელმა მომღერალმა და მოცეკვავემ განსხვავებული ლუქი წარმოგვიდგინა. მის თმაზე, რომელიც 70-იანებით იყო ინსპირირებული, კაჰ სპენსმა OGXBbeauty-ის დახმარებით შექმნა. მაკიაჟი კი ტროი ანტონიოს დამსახურებაა. 

Nia Dennis

ტანმოვარჯიშე, ნია დენისის ლუქი ლურჯ ფერში იყო გადაწყვეტილი. ხალიჩაზე ერთ-ერთი ყველაზე აქტუალური ფერი სწორედ ლურჯი იყო. ნიამ თვალზე გააკეთა აქცენტი და ლურჯი ფერის ჩრდილებით გამოკვეთა. ვარცხნილობას რაც შეეხება, გადაწყვიტა ზევით აწეული თმა, ოქროსფერი დეტალებით გაეფორმებინა. 

Saweetie 

 ამერიკელი რეპერი, რომელმაც ერთმნიშვნელოვნად გლამურული, შთამბეჭდავი ლუქი შემოგვთავაზა. მაკიაჟი კაბის შესაფერის, ვარდისფერ ტონალობებში ჰქონდა გადაწყვეტილი. სტეფან ნიმოჰმა მთლიანად Mac-ის კოსმეტიკა გამოიყენა, ულამაზესი  ვარცხნილობა კი ჯეისონის დამსახურებაა. 

Lil Nas X

რაც არ უნდა გასაკვირი იყოს, რეპერმა თვალთან  პატარა ოქროსფერი დეტალით გამორჩეული ლუქი შექმნა. მუსიკოსმა დაამტკიცა, რომ პატარა დეტალები სინამდვილეში ძალიან მნიშვნელოვანია და სრულიად შეუძლიათ ლუქის შეცვლა. 

Storm Reid 

მსახიობი მოკლე, მისგან სრულიად განსხვავებული  ვარცხნილობით გამოჩნდა ხალიჩაზე, რაც გრეგ გილმორის დამსახურება იყო. მაკიაჟს რაც შეეხება, პოლ ბანჩმა არაჩვეულებრივად იმუშავა და Maybeline-ს კოსმეტიკით ულამაზესი ლუქი შექმნა. 

Barbie Ferreira

მსახიობმა 1920 წლის მაკიაჟი შემოგვთავაზა. კალი კენედიმ Byredo-ს პროდუქცია გამოიყენა და თხელ წარბებთან მკვეთრი იასამნისფერი ჩრდილები შემოგვთავაზა. ვარცხნილობაზე მალკონ მარკეზმა იზრუნა და ბრენდი Amika-ს პროდუქცია გამოიყენა.