ანა გელენავა • 1631695045

გამორჩეული ლუქები 2021 წლის Met Gala-დან

13 სექტემბერს Met Gala 2021 ჩატარდა, რომელიც მოდის ინდუსტრიაში ერთ-ერთი უმნიშვნელოვანესი დღეა. როგორც წესი, ღონისძიება მაისის პირველ ორშაბათს ტარდება, მაგრამ კოვიდ19-ის პანდემიიდან გამომდინარე თარიღი შეიცვალა. წელს, როგორც ყოველთვის ნიუ იორკის მეტროპოლიტენის ოპერის თეატრში ჩატარდა. თემა "In America: A Lexion of Fashion" იყო. ანა ვინტურმა განაცხადა, რომ წლევანდელი თემა გამომხატველია იმ დროის, რომელშიც ვცხოვრობთ. მსახიობებმა, მომღერლებმა, სატელევიზიო სახეებმა და სუპერ მოდელებმა წელსაც უჩვეულო ლუქები შემოგვთავაზეს.

რამდენიმე ვარსკვლავი წლევანდელ ღონისძიებაზე არ გამოჩნდება და მათ სიაში არიან: ლედი გაგა, მაილი საირუსი, არიანა გრანდე პარტნიორ დალტონთან ერთად, ბლეიკ ლაივლი მეუღლე რაიანთან ერთად, ტეილორ სვიფტი და სელენა გომესი. 

რამდენიმე ვარსკვლავის გამოჩენა ღონისძიებაზე განსაკუთრებით დასამახსოვრებელია. ასეთია რიანა, რომელიც ყოველ წელს განსაკუთრებულ ლუქს გვთავაზობს. მის გამოჩენას ხალიჩაზე ყველა მოუთმენლად ელოდება. წელს ის რეპერ ASAP Rocky-სთან ერთად გამოჩნდა. რიანა წელს Balenciaga-ს ლუქით წარდგა, რეპერმა კი ERL მოირგო.

19 წლის მომღერალმა, ბილი აილიშმა Oscar de la Renta მოირგო. ეს ლუქი მისი სტილისგან სრულიად განსხვავებული იყო. ფერნანდო გრაციამ განაცხადა, რომ მას სურდა გაეოცებინა ყველა ამ სტილის მორგებით. ნამდვილად შეძლო მომღერალმა გაოცება და მოწონებაც დაიმსახურა. 

 

რა თქმა უნდა კიმ კარდაშიანი ერთ-ერთი მთავარი ვარსკვლავი იყო ღონისძიებაზე. ის Balenciaga-ს ლუქით გამოჩნდა და  დიდი ყურადღებაც დაიმსახურა. მასთან ერთად Balenciaga-ს შემოქმედებითი ხელმძღვანელი, დემნა გვასალია იყო. 

 

სუპერმოდელი ემილი რატაკოვსკი Vera Wong- ის წითელი კაბით გამოჩნდა ხალიჩაზე. წელს ლურჯი და წითელი  აქტუალური ფერები იყო ხალიჩაზე.  

 

ასევე სუპერმოდელი კენდალ ჯენერი Givenchy-ის კაბით გამოჩნდა, ჯიჯი ჰადიდმა კი Prada მოირგო. ჰადიდი ხალიჩაზე განსხვავებული ვარცხნილობით გამოჩნდა და 1 წლიანი პაუზის შემდეგ შთამბეჭდავი გამოსვლა ჰქონდა. 

ჯენიფერ ლოპესი Ralph Lauren-ის კაბით გამოჩნდა. ის თავის ახალ პარტნიორ, ბენ აფლეკთან ერთად წარდგა ხალიჩაზე. 

             

ჰეილი ბიბერი თავის მეუღლე, ჯასტინ ბიბერთან ერთად Met Gala-ს ხალიჩაზე YSL-ის შავი კაბით გამოჩნდა. ჯასტინს კი თავისი ბრენდი Drew House ეცვა. 

ემა ჩემბერლინმა Louis Vuitton-ის კაბა მოირგო, ნაომი ოსაკამ კი იმავე ბრენდის განსხვავებული სტილის ლუქი წარმოგვიდგინა.

ღონისძიებაზე ლილი რეინჰარტი და ირინა შეიკი მსგავსი კაბებით გამოჩნდნენ. ლილის Christian Siriano-ს კაბა, ხოლო ირინას Moschino-ს კაბა ეცვა. 

       

კიდევ ერთი ვარსკვლავური წყვილი გამოჩნდა ხალიჩაზე და ამჯერად Michael Kors-ი მოირგო. შონ მენდესმა და კამილა კაბეიომ თავი დაგვამახსოვრეს თავიანთი თვალისმომჭრელი გამოჩენით.

     

 20 წლის სუპერმოდელი კაია გერბერი ხალიჩაზე  Oscar de la Renta-ს კაბით გამოჩნდა, რომლის ინსპირაცია Met Gala 1981 წლის ბიანკა ჯაგერის ლუქი იყო.

 კარლი კლოსმა და ვეს გორდონმა ერთად გაიარეს ხალიჩაზე. კარლიმ Carolina Herrera-ს წითელი კაბა მოირგო. მეგან ფოქსმაც წითელ კაბაზე შეაჩერა არჩევანი და Peter Dundas-ის კაბით გამოჩნდა.