ანა გელენავა • 1631530426

2021 წლის ტენდენციები ნიუ იორკის მოდის კვირეულიდან

ერთ წლიანი პაუზის შემდეგ ნიუ იორკის მოდის კვირეული დაბრუნდა, რა თქმა უნდა, დადგენილი რეგულაციების დაცვით. აღსანიშნავია, რომ ვაქცინაციის ბარათის წარდგენა სავალდებულოა. 12 სექტემბერს კვირეული დასასრულს მოუახლოვდება და Tom Ford-ის ჩვენებით დაიხურება.

13 სექტემბერს კი Met Gala 2021 ჩატარდება, რომელსაც ყველა მოუთმენლად ელოდება. მოდის ინდუსტრიის ერთ-ერთი უმნიშვნელოვანესი ღამე, რომელიც ყოველწლიურად მაისის პირველ ორშაბათს იგეგმება, წელს შეცვლილი დროით გვიბრუნდება. 

ნიუ იორკის მოდის კვირეულის გაზაფხული-ზაფხული 2022 წლის კოლექციაში გამოყენებული ფერები ძირითადად კომფორტის, სიმშვიდისა და ბალანსის გამომხატველია.         

Carolina Herrera 40 წლის იუბილეს ზეიმობს და ამ წლის ნიუ იორკის კვირეულზე წარმოადგინა კოლექცია, რომლითაც ნიუ იორკის მიმართ სიყვარული წარმოაჩინა.

Brandon Maxwell-ის გამოსვლა ჯიჯი ჰადიდმა დახურა.

კენდალ ჯენერი სეზონის პირველ ჩვენებაზე გამოვიდა და Michael Kors-ის ჩვენებაზე გამოჩნდა. ბრენდმა, როგორც ყოველთვის,  დახვეწილი კოლექცია შემოგვთავაზა. 

Moschino-ს ჩვენებაზე ირინა შეიკი, ჯიჯი ჰადიდი და ტეილორ ჰილი ვიხილეთ, რომლებმაც ბრენდის უჩვეულოდ განსხვავებული კოლექცია წარმოადგინეს. 

სუპერმოდელმა ალექსანდრა ამბროსიომ კიდევ ერთხელ გაიარა პოდიუმზე PatBO-სთვის. 

       

Laquan Smith-მა ულამაზესი კოლექცია წარმოადგინა, რომელიც ნაწილობრივ 90-იანი წლებით არის შთაგონებული.

 

Sergio Hudson-მა ძირითადად წლის აქტუალური ფერი - იასამნისფერი გამოიყენა. ამასთან ერთად ყვითელი, ლურჯი, თეთრი და შავი ფერები შემოგვთავაზა.