ანა გელენავა • 1632742939

Vogue: 53 წლის სუპერმოდელის სილამაზის საიდუმლო

ამერიკელი სუპერმოდელი სინდი კროუფორდი შესანიშნავად გამოიყურება და თავის რუტინას გვიზიარებს. სახის დაბანის შემდეგ ის სერუმს , ხოლო შემდეგ თვალის კრემს იყენებს. რამდენიმე ვარსკვლავის თავის მოვლის რუტინაში ვხვდებით ყინულის კუბებს და გამონაკლისი არც სინდია. როგორც იცით, ყინულის კუბიკების სახეზე გამოყენება აუმჯობესებს სისხლის მიმოქცევას და სახე მარტივად იღებს გამოძინებულ, დამშვიდებულ იერს. 

სახის მომზადების შემდეგ ტონალური კრემის ჯერი დგება, რომელიც მოდელმა მსუბუქად დაიტანა სახეზე. კროუფორდი საკმაოდ მსუბუქ მაკიაჟს ანიჭებს უპირატესობას, შესაბამისად  მის მიერ გამოყენებული პროდუქტების სია საკმაოდ მცირეა. მოდელი აღნიშნავს, რომ ასაკის მატებასთან ერთად უპირატესობას კრემოვან კოსმეტიკას ანიჭებს. 

სახეზე მცირე ნაკლოვანებების დაფარვის შემდეგ სუპერმოდელი წარბების შევსებაზე გადავიდა და ამის შემდეგ მსუბუქად გამოყო თვალის ფორმა ჩრდილებით. საბოლოო საფეხური მოდელისთვის  კრემოვანი ბლაში და მკრთალი ტუჩსაცხია.

ამერიკელმა სუპერმოდელმა თავისი ბრენდი შექმნა, რომელსაც Meaningful Beauty უწოდა. სინდი თავისი ბრენდის რამდენიმე პროდუქტს იყენებს, განსაკუთრებით კი სახის სერუმს, რომელიც ვოგის ვიდეოშიც გვიჩვენა. 

როგორ ფიქრობთ, არის თუ არა ამერიკელი სუპერმოდელის სილამაზის საიდუმლო ზომიერება?!