ანა გელენავა • 1630942777

სილამაზის ბრენდების იდუმალი სამყარო - ბრენდები ცნობილი სახეებისგან

ვარსკვლავების სია, რომლებმაც საკუთარი თავის მოვლისა თუ მაკიაჟის ხაზი გამოუშვეს საკმაოდ დიდია. ამ სიას ყოველწლიურად ემატება არაერთი ჩვენთვის ცნობილი ადამიანი. სელენა გომესი, რიანა, კიმ კარდაშიანი, კაილი ჯენერი, სინდი კროუფორდი და უამრავი სხვა ცნობილი სახე თავის ბრენდს ქმნის და ამით კიდევ უფრო მეტად იპყრობს გულშემატკივართა გულებს. 

რამდენიმე მათგანი უკვე წლებია სილამაზის ინდუსტრიაში მოღვაწეობს. დიდი შრომის შედეგად ისინი მომხმარებლის იმედს ამართლებენ.  

რიანა - RIHANNA

Fenty Beauty

ცნობილმა მომღერალმა ბრენდი 2017 წელს შექმნა და მალევე მოიპოვა  საკმაოდ დიდი წარმატება.

ეს ხაზი გამოირჩევა იმით, რომ მორგებულია ყველა ფერისა და ტიპის კანზე. კომპანია გვთავაზობს 50 ტონალობას და მასთან ერთად გვაძლევს შესაძლებლობას ზუსტად შევარჩიოთ ჩვენთვის სასურველი პროდუქტი.

         

სელენა გომესი - SELENA GOMEZ

Rare Beauty 

ყველასათვის საყვარელმა მომღერალმა კოსმეტიკის ხაზი 2020 წელს გამოუშვა. ბრენდს  დიდი გამოხმაურება მოჰყვა და მოლოდინები სასიამოვნოდ გაამართლა. 

Rare Beauty-ს ხაზი არაერთ მაღალი ხარისხის პროდუქტს გვთავაზობს. სელენამ Allure-თან ინტერვიუში აღნიშნა რომ, მისი საყვარელი პროდუქტი თვალის ლაინერია, რომლის შეძენაც Sephora-ს გვერდზე შეგიძლიათ. 

 

ჯესიკა ალბა - Jessica Alba

Honest Beauty 

ჯესიკა ალბა ერთ-ერთ ყველაზე გულწრფელ ცნობილ სახედ არის მიჩნეული და მისი ბრენდის სახელწოდებაც ზუსტად უსვამს ხაზს მის პიროვნებას. მან შექმნა ბრენდი, რომელიც ზრუნავს ადამიანებზე და ბუნებაზე. მისი ერთ-ერთი ყველაზე ცნობილი პროდუქტი ბზინვარე პუდრი გახლავთ.

 

ჯენიფერ ლოპესი 

JLO Beauty 

ჯენიფერ ლოპესი ფორმას სასწაულებრივად ინარჩუნებს და ასაკის მატებასთან ერთად უკეთესი გარეგნობით გვევლინება. ჯენიფერი სხვადასხვა საქმიანობით არის ცნობილი და ამასთან ერთად ის თავის მოვლის ბრენდის დამფუძნებელია. მისი სახელი სუნამოს ხაზზე დაახლოებით 20 წლის წინ გამოჩნდა, 2020 წელს კი გადაწყვიტა საბოლოოდ წარედგინა მრავალწლიანი მუშაობის შემდეგ ახალი ხაზი. ამ ბრენდის მთავარი ვარსკვლავი პროდუქტი არის სახის გამწმენდი, რომელიც ასევე Sephora-ზე შეგიძლიათ იხილოთ. აღსანიშნავია, რომ ხშირად მისი პროდუქტების შესახებ კრიტიკა გვხვდება. 

ტარაჯი ჰენსონი

TPH by Taraji

არაერთი ჯილდოს მფლობელი მსახიობი ყველასთვის საყვარელი ბრენდის შემქმნელიც გახდა. მან შეძლო და შემოიტანა ისეთი ხაზი, რომელიც ყველა ტიპის თმაზე იზრუნებდა. რაც ყველაზე მნიშვნელოვანია, ამ ხაზში შეგიძლიათ იპოვოთ 'პარიკის'- ხელოვნური თმის მოვლის საშუალებებიც. ყველაზე პოპულარული პროდუქტი არის გამწმენდი, რომელსაც განსაკუთრებული შემადგენლობა გააჩნია.

და მაინც, რომელია თქვენთვის საყვარელი ბრენდი და პროდუქტი?!