ანა გელენავა • 1630943942

ჯენიფერ ენისტონი ახალ ბრენდს უშვებს - რას გვთავაზობს "LolaVie"?!

არაერთი ცნობადი სახე გვთავაზობს საკუთარ თავის მოვლისა თუ მაკიაჟის ხაზს. თავიანთ პროფესიაში წარმატების შემდეგ ცდილობენ თავი ამ კუთხითაც დაგვამახსოვრონ. ლედი გაგა, სელენა გომესი, რიანა, სკარლეტ იოჰანსონი და ახლა უკვე ყველასთვის საყვარელი ჯენიფერ ენისტონი. 

52 წლის მსახიობი, ცნობილი სერიალი "მეგობრები"-ს შემდეგ გახდა და მას შემდეგ განსაკუთრებული სიყვარული და პოპულარობა მოიპოვა. მის სავიზიტო ბარათს ულამაზესი თმის ვარცხნილობები წარმოადგენდა და დღემდე უცვლელი რჩება. 

მსახიობი არამარტო თავისი დასამახსოვრებელი როლებით, ბუნებითა თუ სილამაზით იყო ცნობილი, არამედ მისი თანამშრომლობით არაერთ კომპანიასთან. უამრავი თავის მოვლის ხაზის სახე და წარმომადგენელი გახლდათ, ახლა კი თავად გადაწყვიტა თავისი ბრენდის შექმნა. 

ჯენიფერ ენისტონმა 9 სექტემბერი დაასახელა ბრენდის წარდგენის დღედ. 

'LolaVie"- ეს იქნება ჯენიფერის ახალი ბრენდის სახელწოდება, რომელიც 2010 წლიდან გვახსოვს. აღნიშნული სახელწოდება მან თავის სუნამოს შეურჩია, რომელიც სხვადასხვა არომატით 11 წლის წინ გამოვიდა. 

ჯენიფერმა გაგვიზიარა ფოტო, რომელიც მეტად სავარაუდოა რომ სწორედ აღნიშნული ბრენდის - 'LolaVie'-ს გადაღებიდანაა. ამასთან ერთად მან წარწერა დაურთო - "რაღაც იწყება". ასევე ბრენდის ოფიციალურ ინსტაგრამზე განათავსა ფოტო და სწორედ ამ ფოტოს დაურთო სავარაუდო გამოშვების თარიღი 09.08.2021.

კონკრეტულად რას შემოგვთავაზებს ბრენდი არ არის ცნობილი 8 სექტემბრამდე, მაგრამ მოლოდინი საკმაოდ დიდია.