ანა გელენავა • 1630481673

როგორ დავიბრუნოთ შინაგანი სიმშვიდე და დავამარცხოთ შფოთვა?!

რა არის შინაგანი სიმშვიდე და რა გვიშლის ხელს სიმშვიდის მიღწევაში? 

გარემო სტრესული, პრობლემებით დატვირთული და ქაოსურია, სწორედ ამიტომ დროთა განმავლობაში ვკარგავთ შინაგან სიმშვიდეს. 

განსაკუთრებით პანდემიის მსგავსს სიტუაციებში რთულდება თავის მართვა. სტრესი საგრძნობლად გაიზარდა და ამასთან ერთად წარსულში არსებული პრობლემებიც არსად წასულან. ყველაზე მნიშვნელოვანი, რაც შეგვიძლია გავაკეთოთ შინაგანი სიმშვიდის დასაბრუნებლად არის ბუნებაში გასვლა და საკუთარ თავთან მარტო დარჩენა.

ხშირად გვესმის თუ რამდენად მნიშვნელოვანია საკუთარ თავთან მარტო დარჩენა და ამავდროულად, ბუნებაში დროის გატარება, მაგრამ რატომ? პასუხი მარტივია - ენერგიის მისაღებად. ბუნება გვმუხტავს ისეთი ენერგიით, რომელსაც ვერსად ვერ მივიღებთ. 

ადამიანისთვის მნიშვნელოვანია იზრუნოს გონების გაწმენდაზე. ასევე, აუცილებელია, ფიზიკურად მოდუნდეს და გაერიდოს ყოველდღიური ცხოვრების რიტმს.  

საკუთარი თავის ძიება, შეცნობა სიმშვიდის საწინდარია

მაშინ, როდესაც საკუთარ თავთან ჰარმონიაში ხარ და ყველა ქმედება გააზრებულია, სიმშვიდე შენს ხელთაა.

სიმშვიდე თანაბარია წონასწორობისა - წონასწორობის დაჭერა კი ძალიან რთულია. ამისთვის გარკვეულ დათმობებზე წასვლაა საჭირო:

👉საჭიროა შევამციროთ მედიის, სოციალური ქსელების და არასასიამოვნო ადამიანების როლი ჩვენ ცხოვრებაში

👉დავტოვოთ არასასურველი გარემო და ვიზრუნოთ განტვირთვაზე რამოდენიმე დღის განმავლობაში  

👉მუსიკა, წერა, ხატვა და ვარჯიში დაგეხმარებათ სიმშვიდის მოპოვებაში

იოგა,პილატესი და მსგავსი დატვირთვა გონების გაწმენდაში გვეხმარება. სწორედ ამიტომ, ეცადეთ კვირაში ერთხელ მაინც დაუთმოთ დრო თქვენ თავს, განმარტოვდეთ და დაკავდეთ სასურველი აქტივობით.