ანა გელენავა • 1628929493

რა როლს თამაშობს თავის მოვლა მენტალურ ჯანმრთელობაზე?

მენტალურ ჯანმრთელობაზე საუბარი არც თუ ისე დიდი ხნის წინ დაიწყო და ფიზიკურ ჯანმრთელობაზე არანაკლებ საყურადღებო გახდა. ყოველდღიურ ცხოვრებას მოაქვს სტრესი, რაც მოქმედებს ყველა ადამიანის ისევე როგორც ფიზიკურ, ასევე მენტალურ მდგომარეობაზე. 

სწორედ, თავის მოვლის პროცესი გახლავთ ერთ-ერთი განუყოფელი ნაწილი მენტალური ჯანმრთელობის პრობლემების აღმოსაფხვრელად. 

თავის მოვლა გულისხმობს დროის გამოყოფას საკუთარი თავისთვის, ფიზიკურ და მენტალურ ჯანმრთელობაზე ზრუნვას. 

თუ დავფიქრდებით, თავის მოვლა არ არის დაკავშირებული დიდ ხარჯებთან და დროსთან.

როგორ უნდა დავაღწიოთ თავი სტრესს და ვიზრუნოთ მენტალურ ჯანმრთელობაზე? 

თავის  მოვლა არის გასაღები, რომელიც ყველა კარს აღებს. სტრესი, უძილობა, ხასიათის ცვალებადობა - ეს და სხვა მრავალი არის პრობლემა, რომელსაც უნდა გავუმკლავდეთ ჩვენ თავზე ზრუნვით.ამასთან ერთად ეს პროცესი საჭირო ენერგიას გვაძლევს ჯანმრთელობისთვის და ემოციური სტაბილურობისთვის.  

თავის მოვლის პროცესი გვაშორებს სტრესს, შებოჭილობას და ჩვენ თავში უფრო თავდაჯერებულს გვხდის. ეს არის პროცესი, რომელსაც მივყავართ სხეულისა და შინაგანი მდგომარეობის იდეალური ჰარმონიისკენ.

გიზიარებთ თავის მოვლის რამდენიმე პროცედურას, რომელიც თქვენ ყოველდღიურობას მეტად მშვიდს და ხალისიანს გახდის

👉 დილას გაღვიძებისთანავე დალიეთ წყალი, სურვილისამებრ შეგიძლიათ დაამატოთ ლიმონი ან გრეიპფრუტი. წყალი მნიშვნელოვანია ჩვენი ორგანიზმისთვის და მასზე დამოკიდებულია მენტალური თუ ფიზიკური მდგომარეობა. დღის განმავლობაში ეცადეთ რაც შეიძლება მეტი წყალი მიიღოთ და სხვა სასმელები წყლით ჩაანაცვლოთ

👉 დილის რუტინა, რაც გულისხმობს განმარტოებას და სასურველი თავის მოვლის რუტინის ჩატარებას. არ აქვს მნიშვნელობა რამდენ პროდუქტს იყენებთ ან რამდენ საფეხურიანია, მთავარია თქვენ თავს დაუთმოთ დრო და ჩაიტაროთ სასურველი პროცედურები

👉 ფეხით გადაადგილება, სასიამოვნო ქუჩებსა თუ სკვერებში გასეირნება დაგეხმარებათ განტვირთვაში და სტრესის მოხსნაში. სასურველია გამოყოთ კვირაში რამდენიმე დღე სასეირნოდ

👉 ჰობი ყველა ადამიანისთვის მნიშვნელოვანია. დაკავდით საყვარელი აქტივობით იქნება ეს ხატვა, ვარჯიში, კითხვა თუ ნებისმიერი სხვა. ეს დაგეხმარებათ ყოველდღიურობისგან მოწყვეტაში, პრობლემებისგან განთავისუფლებაში და აზროვნებაში. ემოციური ფონისთვის და მენტალური ჯანმრთელობისთვის მნიშვნელოვანია ამგვარი დატვირთვა. 

👉 ძალიან მნიშვნელოვანია ღამის რუტინა, რაც გვეხმარება მთელი დღის სტრესის მოხსნაში. მოიწყვეთ მშვიდი გარემო, ჩართეთ საყვარელი მუსიკა და ჩაიტარეთ თავის მოვლის პროცედურები. მოიშორეთ მაკიაჟი, შემდეგ კანის მოვლის რუტინა და მცირე დროით იყავით თქვენ თავთან მარტო.  

სხეული გვაძლევს მინიშნებებს, როცა სჭირდება განტვირთვა და მათი უგუნველყოფა დაუშვებელია. ყველა გამოვლინებას აქვს თავისი მიზეზი იქნება ეს თავის ტკივილი, უხასიათობა თუ სხვა. დაიმახსოვრეთ, საკუთარ ჯანმრთელობაზე ზრუნვა ყველაზე მეტად მნიშვნელოვანია. 

დაუთმეთ დრო საკუთარ თავს, იზრუნეთ მენტალურ და ფიზიკურ ჯანმრთელობაზე და გაითავისუფლეთ გონება ზედმეტი ზეწოლისგან.