სოფო ვაკელაშვილი • 1650540331

როგორ მოვუაროთ კანს 25 წლის შემდგომ?!

იცვლება თუ არა ჩვენი კანი დროთა განმავლობაში?

ალბათ ხშირად გსმენიათ, რომ სახის კანი მგრძნობიარე ელემენტია, რომელიც წლების გასვლასთან ერთად იცვლება.

ელასტიკურობის დაკარგვასთან ერთად  კანი დაბერებისკენ მიდის, ეტაპობრივად იზრდება ლაქების და ნაოჭების რაოდენობა.

სილამაზის ინდუსტრიაში მოღვაწე ბრენდები ხშირად  სწორედ დაბერების საწინააღმდეგო  საშუალებებს გვთავაზობენ. ისინი ცდილობენ სხვადასხვა პროდუქტების მეშვეობით კანს გაუხანგრძლივონ ახალგაზრდობა.

საინტერესოა რა გავლენას ახდენს ასაკი კანზე

ნებისმიერ ასაკში კანის დაბერების პროცესი პირდაპირკავშირშია მის მოვლის რუტინასთან. სახის კანის რუტინა არა მხოლოდ 25 წლის ასაკში, არამედ ნაადრევად არის რეკომენდებული, თუმცა საუკუნის მეოთხედი თავად გახსენებს თავს და გაიძულებს დღის და ღამის რუტინა ყოველდღიურობად აქციო.

რა იწვევს კანის ნაადრევ დაბერებას?

 

აღსანიშნავია, გავამახვილოთ ყურადღება კანის ნაადრევი დაბერების გამომწვევი ძირითად მიზეზებზე; მათგან ერთ-ერთი მნიშვნელოვანი ნაწილი გარემოს დაბინძურება და გამოსხივება გახლავთ.

ამავდროულად, ხშირად სახის კანისთვის ისეთ პროდუქტებს მოიხმარენ, რომელიც არ არის კონკრეტული ტიპისთვის რეკომენდებული, რაც იწვევს გაღიზიანებას. 

სახის კანის გაღიზიანებასთან ერთად, ორგანიზმში კოლაგენის რაოდენობა ეცემა და სახის კანიც კარგავს ელასტიკურობას. 

მზის სხივები

 

დიახ, მზის სხივები, რომელიც ასე ძალიან გვიყვარს, შეიძლება გახდეს საფრთხე, რომელიც ხელს შეუწყობს სახის კანის დაბერებას. სწორედ ამიტომ, მზეზე ყოფნისას მზისგან დამცავის გამოყენება სავალდებულოა, რაც იცავს კანს მზის მავნე ზემოქმედებისგან

როგორც დერმატოლოგი ელიზაბეტ ჰეილი ამბობს: “მზე პირველი საფრთხეა კანისთვის და მას დიდი ყურადღება სჭირდება, თუ როგორი დოზით მივიღებთ.”


კანის სიმშრალე 25 წლის შემდეგ…

 

თუ  ცხიმიანი, აკნესკენ მიდრეკილია კანი, მაშინ მშრალ კანთან გამკლავების იდეა შეიძლება მიმზიდველიც იყოს. თუმცა, ასაკის მომატებასთან ერთად, კანი შეიძლება გამოშრეს, იმ მარტივი მიზეზის გამო, რომ კანს ტენიანობის მეტად შენარჩუნება აღარ შეუძლია. ამას გარდა, არსებობს რამდენიმე სხვა პრობლემა, რომელიც დიდ როლს თამაშობს  კანის გამკვრივებასა და დატენიანებაში.

და თვალი?!

 

ცალსახაა - კანის რუტინა აუცილებელია, თუმცა უნდა აღინიშნოს, რომ 25 წლის ასაკის შემდეგ გარდა დასაბანი საშუალებების, შრატების, დამატენიანებლების გამოყენება, არამედ თვალზე ზრუნვაც არანაკლებ მნიშვნელოვანია.

თვალის გარშემო კანი ძალიან ნაზი და თხელია, რაც იმაზე მიუთითებს, რომ კანის დაბერება სწორედ ამ ადგილიდან შესაძლოა დაიწყოს. სწორედ ამიტომ 20 წლის ასაკიდანვე რეკომენდებულია თვალის საცხის გამოყენება.

სახის კანიდან დეკოლტემდე…

 

როდესაც ვსაუბრობთ სახის კანის ცვლილებებზე, არ უნდა გამოგვრჩეს დეკოლტე, რომელიც ასევე გახლავთ ნაზი, თხელი სტრუქტურის კანი, რომელიც მარტივად კარგავს ელასტიკურობას.

მაშ ასე, წარმოგიდგენთ პროდუქტებს, რომლებიც შეუცვლელია 25 წლის ასაკის შემდეგ:

 

👉 მზისგან დამცავი

👉 ვიტამინი C

👉 დამატენიანებელი კრემი

👉 ჰიალურონის მჟავა

👉 რეტინოლი