ნინი ნიქაბაძე • 1625994600

რატომ არ არის რეკომენდებული სახის ქიმიური პილინგი ზაფხულში

სახის კანის ღრმა, საშუალო თუ ზედაპირული პილინგი, დღესდღეობით ერთ-ერთი ყველაზე ხშირი კოსმეტიკური პროცედურებია.

ინგლისურად, ტერმინი peel ფრცქვნას, აქერცვლას ნიშნავს, ხოლო სახის კანის პილინგი, იგივე ექსფლორაცია, კანის ზედაპირიდან მკვდარი უჯრედების ალაგებას გულისხმობს.

ეს პროცედურა მიზნად ისახავს კანის რქოვანა შრის სისქის შემცირებას, კომედონებისა და ფორების შევიწროებას, რაც აუმჯობესებს კანის გარეგნულ იერს და მკვდარი უჯრედების ქვეშ ჯანსაღ, ახალწარმოქმნილ უჯრედებს ზედაპირზე განალაგებს.

სახის პილინგის არა ერთი დადებითი ეფექტის მიუხედავად, მნიშვნელოვანია ვიცოდეთ პროცედურის გვერდითი ეფექტების შესახებ, რომელიც ხშირ შემთხვევაში მზის სხივებთან ურთიერთქმედებებისას, ანუ, ყველაზე ხშირად ზაფხულის პერიოდში ვლინდება.

👉 გვერდითი ეფექტების გამოწვევის უპირველესი მიზეზი სახის პილინგის დროს გამოყენებული მჟავების (კეტონ მჟავა, რძის მჟავა, სალიცილის მჟავა..) მზის სხივებთან უარყოფითი ურთიერთქმედებაა, რამაც შესაძლოა კანის გაღიზიანება და წვა გამოიწვიოს, რაც დისკომფორტის შეგრძნებებთან ერთად, პროცედურის შედეგიანობას შეამცირებს და შესაძლოა უკუშედეგიც კი მივიღოთ

👉 გარდა ამისა, გასათვალისწინებელია, რომ ქიმიური პილინგის დროს კანის ზედაპირის დიდი ნაწილი იქერცლება, რაც შიდა ფენის კანს მგრძნობიარეს და მზის სხივებისგან დაუცველს ხდის. 
მზისგან თავის არიდების, ან/და არასაკმარისი SPF-ის გამოუყენებლობის შემთხვევაში, შეიძლება კანზე მზის დამწვრობა განვითარდეს.

👉 დამწვრობის გარდა, იმის გამო, რომ კანის ეპიდერმისის ზედაპირული ფენა სრულიად იქერცლება, მაღალი ტემპერატურისა და მზის დასხივების შედეგად შესაძლებელია განვითარდეს კანის ჰიპერპიგმენტაცია.

 

ზაფხულის პერიოდში, მით უმეტეს კი რუჯის მიღების წინ, რეკომენდებულია მსუბუქი აქერცვლა და სკრაბი. აუცილებელია კანის სრულყოფილად დატენიანება და რაც მთავარია, მზისგან დამცავი საშუალებების ყოველდღიურად გამოყენება. 

 

 

 

 

 

ესეც საინტერესოა: SPF დეკორატიულ კოსმეტიკაში