ანა გელენავა • 1632744649

რა იწვევს ტუჩის კანის გამოშრობას?!

ტუჩის კანი ძალიან ნაზი, მსუბუქი სტრუქტურისაა, სწორედ ამიტომ მას განსაკუთრებული მოვლა სჭირდება. სეზონის ცვლილებასთან ერთად და ზამთრის სუსხიანი დღეების მოსვლასთან ერთად კანი იწყებს გამოშრობას და გამონაკლისი არც ტუჩი გახლავთ. 

გამომშრალი ტუჩის კანის მიზეზი არამარტო ცივი ზამთარი, არამედ სხვა მთელი რიგი მიზეზებია. 

ამავდროულად, ტუჩი ერთ-ერთი სარკეა ორგანიზმის. მასზე აისახება ორგანიზმისთვის საჭირო ან პირიქით, ჭარბი რაოდენობის ვიტამინები.

👉მზის დამწვრობა არის სწორედ ის მიზეზი, რის გამოც ზამთრის გარდა ზაფხულშიც გვიწევს გამომშრალი ტუჩების მოვლა

იმისთვის რომ ავარიდოთ ტუჩს მზის სხივებისგან მინიჭებული ზიანი, უნდა გამოვიყენოთ SPF ბალზამი. უკვე ყველამ კარგად ვიცით, რომ კანზე სავალდებულოა SPF-ის გამოყენება, მაგრამ არ დაგავიწყდეთ ტუჩის SPF დამატენიანებლის  გამოყენებაც. 

👉გაინტერესებთ როგორ უნდა გავიგოთ B1,B2,B3 ვიტამინების ნაკლებობა?

მარტივია, დააკვირდით ტუჩს. ამ ვიტამინების ნაკლებობა პირდაპირ აისახება ტუჩის კანზე და შედეგად ვიღებთ გამომშრალ, ქერცვლად ტუჩს. ამის თავიდან ასაცილებლად ეცადეთ აკონტროლოთ მიღებული ვიტამინები. 

👉დეჰიდრატაცია 

არ დაგავიწყდეთ, რომ წყალი ჩვენი სილამაზის მთავარი ელემენტია და მისი ნაკლებობა ცუდად აისახება კანზე, თმაზე და ორგანიზმზე. 

👉მარილიანი და ცხარე საკვების მიღება თქვენ ტუჩებს აზიანებს

 ალბათ შეგიმჩნევიათ ტუჩის რეაქცია ცხარე და მარილიან საკვებზე, წვა და გაღიზიანება თამდევი რეაქციაა. ეცადეთ დაიცვათ ტუჩის კანი და მოარიდოთ საკვები მას და რაც მთავარია არ დაგავიწყდეთ ტუჩის ბალზამის გამოყენება.

👉 ზედმეტი A ვიტამინის შემთხვევაში ტუჩი იწყებს აქერცვლას და წითელი შეფერილობის ხდება

სასურველია ტუჩის სკრაბის გამოყენება კვირაში ერთხელ ან ორჯერ. ეს აუცილებელია იმისთვის, რომ ერთგვაროვანი ტუჩი შევინარჩუნოთ. სკრაბის დამზადება სახლის პირობებშიც შეგიძლიათ. ამისთვის შაქარი, ქოქოსის ზეთი და ერთი კოვზი თაფლი დაგჭირდებათ.

ამის გარდა, შეგიძლიათ სასურველი ზეთისა თუ არომატის დამატება. შიისა და ჟოჟობას ზეთი იდეალურია სკრაბის დამზადებისთვის. ასევე შეგიძლიათ თეთრი შაქარი ჩაანაცვლოთ ყავისფერი შაქრით, დაამატოთ ლავანდა და ვანილის ექსტრატი.  ვიტამინების დამატება თქვენ სურვილზეა დამოკიდებული.

იმისთვის რომ თავიდან ავირიდოთ ტუჩის გამოშრობა, მუდმივად უნდა გამოვიყენოთ ტუჩის დამატენიანებელი ბალზამები. აუცილებელია მათი სწორი არჩევა, რადგან ზოგიერთმა ბალზამმა შეიძლება საპირისპირო შედეგი მოგვცეს და ტუჩი გააღიზიანოს. ამიტომ ეცადეთ სწორად შეარჩიოთ ტუჩის ბალზამი და მუდმივად გამოიყენოთ.