ანა გელენავა • 1631561099

კენდალ ჯენერის ახალი თავის მოვლის რუტინა - რას გვირჩევს ცნობილი მოდელი?!

Vogue უკვე რამდენიმე წელია გვთავაზობს ვარსკვლავების მაკიაჟისა თუ თავის მოვლის რუტინას. ამ სიაში სელენა გომესი, ჰეილი ბოლდუინი, ჯიჯი ჰადიდი, რიანა, ნინა დობრევი და სხვა მრავალი ჩვენთვის ცნობადი სახეა თავმოყრილი. 

ერთ-ერთი პირველი კენდალ ჯენერის დილის რუტინა იყო. როგორც გავიგეთ, ერთ-ერთ ყველაზე მაღალანაზღაურებად მოდელს არასდროს არ უყვარდა მძიმე მაკიაჟი და უპირატესობას ყოველდღიურ, მსუბუქ მაკიაჟს ანიჭებს. მოდელმა  მსუბუქი ტონალური, კორექტორი, ბრონზერი  და ტუჩის გლოსი გამოიყენა.

მაკიაჟი პირდაპირ ტონალური კრემით დაიწყო, მაგრამ არ დაგავიწყდეთ, რომ მაკიაჟის დაწყებამდე აუცილებელია სულ მცირე დამატენიანებელი კრემის გამოყენება, რაც მოდელმა შემდეგ ვიდეოში გამოასწორა. 

 

რამდენიმე თვის წინ კენდალ ჯენერმა ახალი ვიდეო შემოგვთავაზა Vogue-სთან ერთად, სადაც მოდელი თავად ამბობს, რომ მისი რუტინა სრულიად შეცვლილია. 

კენდალი ავოკადოს ნიღაბს იყენებს, რომელსაც თავად ამზადებს და რეცეპტსაც გვიზიარებს:

  •  
  • ავოკადო
  • შვრია
  • ნატურალური თაფლი
  • ლავანდას ზეთი ( რამდენიმე წვეთი)

 

მისი შემდეგი საფეხური Purigenex-ის კოლაგენის ნიღაბია და ამის შემდეგ იყენებს სახის ნიღაბს. მოდელმა თავის რუტინაში შეიტანა ბოლო დროის პოპულარული პროდუქტი - სახის როლერი. რა თქმა უნდა, მის რუტინაში დიდ როლს თამაშობს მზისგან დამცავი კრემი, რომელიც მომდევნო საფეხურზე იყენებს. 

ჯენერის მაკიაჟის რუტინაში დიდი ცვლილებები არ არის. შესამჩნევია, რომ მან დაამატა კრემოვანი სტრუქტურის პროდუქცია, რაც სხვა ვარსკვლავების რუტინაში შეიმჩნევა.

მის მიერ გაზიარებულ ორივე რუტინას მცირე კრიტიკა მოჰყვა. რამდენიმე კრიტიკოსმა მიიჩნია, რომ კენდალის საფეხურები არ იყო სწორი თანმიმდევრობით. განსაკუთრებით შესამჩნევი იყო ის, რომ მოდელმა სახის გამწმენდი გამოიყენა სახის ნიღბების შემდეგ. რა თქმა უნდა, თითოეულ ადამიანს თავის სახის კანზე მორგებული რუტინა აქვს, მაგრამ ეს ხელის შემშლელი ფაქტორი არ აღმოჩნდა მის მიერ მიმართული კრიტიკისათვის. 

კენდალ ჯენერის პირველი თანამშრომლობა Vogue-სთან 4 წლის წინ შედგა.