ანა გელენავა • 1650528652

გუაშა - ბოლო წლების ტენდენცია თუ აღმოჩენა?!

გუა შა ბოლო წლების ერთ-ერთი მთავარი აღმოჩენა და ტენდენციაა.ის ჩინელების თავის მოვლის რუტინაში ჯერ კიდევ საუკუნეების წინ გამოჩნდა. გუა შას ეფექტურობა უკვე არაერთმა სილამაზის ბლოგერმა, ვარსკვლავმა თუ კოსმეტოლოგმა დაადასტურა და მისი გამოყენების ტექნიკას აქტიურად გვიზიარებენ სხვადასხვა პლატფორმებზე. 

რა არის გუა შა? 

გუა შა სახისა და ტანის ერთგვარი მასაჟორია, რომელიც ხელს უწყობს კანის შეშუპებების ჩაცხრობას და სისხლის მიმოქცევის გაუმჯობესებას. ჩინურ ტრადიციაში ის ქვის ან ხის მასალისგან მზადდებოდა, დღესდღეობით კი ძირითადად ვარდისფერი კვარცის, მთის ბროლის და ნეფრიტის  ქვების სახით გვხვდება. აუცილებელია, გუა შა იყოს ბუნებრივი ქვისგან დამზადებული, რათა სასურველი შედეგი მიიღოთ. აღსანიშნავია, რომ იგი არამარტო სახეზე, არამედ ტანზეც გამოიყენება. 


                                                                             

როგორ უნდა გამოვიყენოთ გუა შა?

გუა შა არც თუ ისე მარტივად გამოსაყენებელი პროდუქტია. მისი გამოყენების დროს საჭიროა სწორი ტექნიკის ცოდნა და სწორი მიმართულებებისა და მითითებების ზუსტად შესრულება. 

გუა შა აქტიურად გამოიყენება დილის რუტინაში. იმისთვის, რომ მისი გამოყენება კიდევ უფრო მეტად სასიამოვნო და ეფექტური გახადოთ საჭიროა, გუა შა მაცივარში შეინახოთ. როგორც უკვე ვახსენეთ, მისი დანიშნულება სახის გამოკვეთა, სისხლის მიმოქცევის გაუმჯობესება და შეშუპებების ჩაცხრობა არის. მისი გამოყენების შემდეგ კანზე სიწითლე რჩება, ამიტომ რამდენიმე წუთით სავალდებულოა კანი დაასვენოთ და შემდეგ განაგრძოთ თქვენი სახის რუტინა. 

სახეზე გუა შას გამოყენებისას აუცილებელია კანი იყოს გაწმენდილი და დატენიანებული. არ დაიტანოთ სახეზე სხვა ზედმეტი პროდუქტი ზეთებისა თუ შრატების სახით. მასაჟი 10-15 წუთის   განმავლობაში ჩაიტარეთ და დასრულების შემდეგ სახე რამდენიმე წუთით დაასვენეთ.

ღამის რუტინაში მისი გამოყენება დაძაბულობას და მთელი დღის სტრესს მოგიხსნით. დაუყოვნებლივ შეამჩნევთ, რომ გუა შა ერთგვარი თერაპია იქნება თქვენი კანისთვის, რაც მასზე მალევე დადებითად აისახება.


რა უარყოფითი მხარეები აქვს გუა შას?

მართალია გუა შას ბევრი დადებითი მხარე აქვს, მაგრამ უნდა აღვნიშნოთ მისი უარყოფითი შედეგებიც. სიწითლე კანის მასაჟის შემდეგ ნამდვილად გარდაუვალია, მაგრამ არა ინტენსიური. თუ კანი გაწითლდა, დაგეწყოთ ქავილი, შეამჩნიეთ გამონაყარი და გაღიზიანება შეწყვიტეთ გუა შას გამოყენება. ამავდროულად, არ არის სასურველი მისი აქტიური გამოყენება კანის მკურნალობის დროს. 

როგორ უნდა გავწმინდოთ და შევინახოთ გუა შა? 

ძალიან მნიშვნელოვანია სუფთად შევინახოთ გუა შა, როლერი, მაკიაჟის ფუნჯები და სხვა ყველა ნივთი, რომელიც გამოიყენება კანის მოვლის რუტინაში. მაკიაჟის ფუნჯები უნდა ირიცხებოდეს თუ არა განხილვის და კამათის საგანი რამდენიმე წლის განმავლობაში იყო. საბოლოოდ ვთანხმდებით, რომ ყველა ნივთი საჭიროებს სათანადო გაწმენდას და შენახვას, წინააღმდეგ შემთხვევაში კანის გაღიზიანება და სხვადასხვა პრობლემა ვითარდება. 

                                                

გუა შას გასუფთავების რამდენიმე მეთოდს შეგვიძლია მივმართოთ: 


🔸თბილის წყლით გარეცხვა 

თუ ცოტა დრო გაქვთ გუა შას გასარეცხად, საკმარისია თბილი წყლით გარეცხვა. ხელზე დაიტანეთ ანტიბაქტერიული საპონი და გუა შა ყოველდღიურად სუფთად იქნება შენახული. 

🔸თბილ წყალში დატოვება 

ყოველდღიურად გუა შას გამდინარე თბილი წყლით გასუფთავება საკმარისია, მაგრამ კვირაში ერთხელ მაინც          საჭიროებს ის სრულფასოვან გაწმენდას. ამისთვის საჭიროა თბილ წყალში და ანტიბაქტერიულ საპონში მინიმუმ        ნახევარი საათი გავაჩეროთ. შეგიძლიათ გამოიყენოთ სახის გამწმენდი ნებისმიერი საშუალება. შემდეგ კი                აუილებელია სუფთა პირსახოცით შევაშროთ.

🔸ფუნჯით გარეცხვა

გუა შა რამდენიმე ფორმის არსებობოს, ზოგიერთ მათგანს რთული კუთხეები და ერთგავრი კბილები აქვს. მათი        სრულფასოვნად გაწმენდისთვის შეგიძლიათ გამოიყენოთ მცირე ზომის ფუნჯი ან ჯაგრისი (მაგალითად კბილის          ჯაგრისი). მათი გასუფთავება საჭიროა იმისთვის, რომ კანზე გამოყენებისას არ გადავიდეს ბაქტერიები და არ            დაზიანდეს კანის სტრუქტურა. 

🔸ალკოჰოლის/სპირტის გამოყენება 

თუ გსურთ, რომ თავი დაიზღვიოთ და თქვენი გუა შა მაქსიმალურად გასუფთავდეს, შეგიძლიათ გამოიყენოთ ალკოჰოლი ან ანტიბაქტერიული საშუალებები. თბილი წყლით გარეცხვის შემდეგ დაასხით მცირე რაოდენობით სპირტი და სუფთა პირსახორცით გაასუფთავეთ.