5 მარტივი საშუალება, თუ როგორ უნდა გავუმკლავდეთ თვალის ქვეშ სიშავეს

დაღლილი, შეშუპებული თვალები, რომლის სიშავის გაქრობაც ძალიან რთულია, ყველასთვის ერთგვარ პრობლემას წარმოადგენს. დილას სახლიდან გასვლამდე ვცდილობთ მაკიაჟით დავფაროთ გადაღლილი, გამოუძინებელი თვალები.

თუ დრო არ გაქვთ და სწრაფი  მაკიაჟით გსურთ სიშავის დაფარვა, თხევად ქონსილერამდე გამოიყენეთ ყვითელი და ნარინჯისფერი ტონის ქონსილერი, რაც დაგვეხმარება მაქსიმალურად სასურველი შედეგის მიღწევაში.

გარდა იმისა, რომ დიდი ძალისხმევა და ბევრი პროდუქტი იხარჯება მაკიაჟით ამ დაღლილობის დაფარვაში, ცოტამ თუ იცის სხვა ხრიკები. 

ყინულის არაჩვეულებრივ შედეგზე უკვე საკმაოდ ბევრი ადამიანი საუბრობს და მინდა გითხრათ, რომ ნამდვილად ამართლებს. გაღვიძებისთანავე ყინულის კუბები სახეზე გადაიტარეთ, თვალების ქვეშ ნაზად გადაისვით და გამოფხიზლება ბევრად გაგიმარტივდებათ, ამასთან ერთად დაემშვიდობეთ თვალის ქვეშ სიშავეს.

თვალის პაჩები, რომლებიც საოცარ გარდასახვას მოახდენენ თქვენს თვალებზე უპირობოდ საჭირო პროდუქტია. 15 წუთი გაიჩერეთ მაკიაჟამდე და შედეგს აუცილებლად იხილავთ!

თვალის წვეთები ზოგიერთი ადამიანისთვის აღმოჩენაა. ეს წვეთები სიწითლეს აქრობს და თვალს უფრო ნათელს ხდის. თუ სვა წვეთებს არ იყენებთ ან არ მკურნალობთ თვალზე შეგიძლიათ თამამად გამოიყენოთ. გამოყენების შემდეგ თქვენი თვალები უფრო თვალშისაცემი გახდება.

გარდა ყინულებისა შეგიძლიათ თბილი პირსახოცის ან ბამბის დისკების დადება თვალებზე. ეს დაგეხმარებათ დაღლილობის მოხსნაში, სიწითლის გაქრობაში და თვალის დატენიანებაში. 

თითქმის ყველასთვის ცნობილია, რომ განსაკუთრებით მწვანე ჩაი თვალებისთვის ეფექტური "წამალია". დაღლილ და გამოუძინარ  თვალებს ნამდვილად შველის მწვანე ან შავი ჩაის პაკეტები. შეგიძლიათ თბილი პაკეტი დაიდოთ პირდაპირ თვალებზე, ან ბამბის დისკები გამოიყენოთ ამისთვის.