ნინი ნიქაბაძე • 1624454908

როგორი უნდა იყოს ჯანსაღი საუზმე?! – მთავარი ინგრედიენტები

საკვები, რომელსაც დილით მივირთმევთ, აყალიბებს კვებით ჩვევებს მთელი დღის განმავლობაში და უზრუნველყოფს ენერგიის სწორად გადანაწილებას. საუზმის მიღების დროს ორგანიზმი იწყებს ნივთიერებათა ცვლის პროცესს, რაც უზრუნველყოფს კალორიების წვას დღის განმავლობაში. აღსანიშნავია რომ, საუზმე წარმოადგენს დღის მთავარ ენერგიის წყაროს და განსაზღვრავს ჩვენს პროდუქტიულობას. სწორედ, ეს არის მიზეზი თუ რატომ მოიხსენიებენ საუზმეს როგორც დღის ყველაზე მნიშვნელოვან ნაწილად.

საუზმისას საჭიროა გავითვალისწინოთ მისი შემადგენელი კომპონენტები.

წარმოგიდგენთ ინგრედიენტებს, რომელიც თქვენს საუზმეს გაამრავალფეროვნებს და მეტად ჯანსაღს გახდის:

კაკალი: კაკალი ჯანსაღი ცხიმებისა და ბოჭკოვანი ნივთიერებების წყაროა. ამავდროულად, მისი შემადგენელია ომეგა-3, რომელიც ორგანიზმის ენერგიის ერთ-ერთ მთავარ წყაროს წარმოადგენს.

ბანანი: ბანანი ერთ-ერთი ყველაზე ნოყიერი საკვები პროდუქტია თქვენი დილის დასაწყებად. იგი რთული ნახშირწყლების, კალიუმისა და B6 ვიტამინის წყაროა.

შვრია: შვრიას შემადგენლობაში შედის მრავალი ვიტამინი და მინერალი, რომლებიც ეხმარება ორგანიზმში ენერგიის წარმოქმნის პროცესს. აღსანიშნავია, რომ შვრია ხელს უწყობს ქოლესტერინის დონის კლებას და მდიდარია ანტიოქსიდანტებით, რაც უზრუნველყოფს სხვადასხვა დაავადების აღმოფხვრას.

 

ავოკადო: ავოკადო გვამარაგებს უწყვეტი ენერგიით. იგი ზრდის ეფექტურობას და უზრუნველყოფს ტვინის პროდუქტიულ მუშაობას. ამავდროულად, ავოკადო ასტიმულირებს ქსოვილის რეგენერაციას, აღდგენას და აჯანსაღებს კანს.

კვერცხი: კვერცხი უზრუნველყოფს ორგანიზმის სიჯანსაღეს. იგი სასარგებლოა როგორც მხედველობისთვის, ასევე იგი ამაგრებს ძვლებს და ამდიდრებს ორგანიზმს D ვიტამინით. ამავდროულად, კვერცხში შემადგენელი ნივთიერებები ხელს უწყობს თმისა და ფრჩხილის სიჯანსაღეს.

 

 

 

და მაინც, რა არის ყველაზე მნიშვნელოვანი საუზმის დასაწყებად?!

წყალი. დილით წყლის დალევა ეხმარება ორგანიზმს გაღვიძებაში და საუკეთესო გზა არის ორგანიზმის რეჰიდრატაციისათვის. დაახლოებით ნახევარი საათის შემდგომ კი შეგიძლიათ მიირთვათ თქვენთვის სასურველი ჯანსაღი და მინერალებით მდიდარი საუზმე.

 

გაიგეთ მეტი: 4 ტიპის ხილი საუკეთესო დღის დასაწყებად