ნინი ნიქაბაძე • 1624186557

იმუნიტეტის გაძლიერების საიდუმლო - C ვიტამინის შემცველი პროდუქტები

ჯანმრთელობის შენარჩუნება და იმუნიტეტის გაძლიერება ნებისმიერი დროის მონაკვეთში აუცილებელია. თუმცა, ალბათ, არავის არ სურს ზაფხულის პერიოდში სანაპირო დღეების, საოჯახო არდადეგების, სასიამოვნო გრილი საღამოების ან წვეულებების გამოტოვება.

იმუნიტეტის გაძლიერების ერთ-ერთი გზა არის ვიტამინების მიღება საკვებიდან. ერთ-ერთი ასეთი მნიშვნელოვანი ვიტამინი კი გახლავთ C ვიტამინი.

 

რა არის C ვიტამინი და რა სარგებელი მოაქვს მას ჩვენი ორგანიზმისთვის?

გაციების დროს პირველი რომელი ვიტამინის მიღება გახსენდებათ?! დიახ, ზამთარსა თუ ზაფხულში C ვიტამინი მნიშვნელოვან როლს ასრულებს ჩვენი ორგანიზმის გაძლიერებასა და გაჯანსაღებაში.

ჯანმრთელობის ეროვნული ინსტიტუტის (NIH) კვლევების თანახმად, ვიტამინი C უშუალო როლს ასრულებს კოლაგენის გამომუშავებასა და იმუნური სისტემის გაძლიერებაში. აღსანიშნავია, რომ ჩვენ ორგანიზმს არ შეუძლია ვიტამინი C-ს თავისით გამომუშავება, რის გამოც მნიშვნელოვანი იგი მივიღოთ სამედიცინო აბების ან საკვები პროდუქტებიდან.

გაგაცნობთ 5 მთავარ საკვებ პროდუქტს, რომელიც შეიცავს C ვიტამინს:

ფორთოხალი

როგორც C ვიტამინის ერთ-ერთი ყველაზე ცნობილი წყარო, ერთი საშუალო ფორთოხალი შეიცავს დაახლოებით 70მგ C ვიტამინს.

ფორთოხლის მიღება შესაძლებელია როგორც ნატურალური, ახლად გამოწურული წვენის სახით, ასევე სალათებსა და სმუზებში სხვა პროდუქტებთან ერთად. 

ბროკოლი

რთულია დაივიწყო ბროკოლის დადებითი თვისებები. ერთი ულუფა ბროკოლი დაახლოებით 88მგ C ვიტამინთან ერთად სხვა მნიშვნელოვან საკვებ ნივთიერებებს შეიცავს, როგორიცაა ცილა და კალიუმი.

მისი მიღება შეგიძლიათ ცოცხლად და დამუშავებული სახით.

მარწყვი

ზაფხულის ცხელ დღეებში ცივი მარწყვი ბევრი ადამიანისთვის განუყრელი ნაწილია. აღსანიშნავია, რომ მარწყვი დიდი რაოდენობით C ვიტამინს შეიცავს.

მისი მიღება შესაძლებელია როგორც განცალკევებულად, ასევე სმუზებსა და წვენებში სხვა ხილთან და ბოსტნეულთან შერევით.

კივი

იცოდით რომ 2 საშუალო ზომის კივის მიღებით თქვენ 130მგ-ზე მეტ C ვიტამინს შესძენთ ორგანიზმს?! მისი მიღებით თქვენს ორგანიზმს უფრო მეტად გააძლიერებთ და გააჯანსაღებთ.

მანგო

არომატული, წვნიანი მანგო ერთ-ერთი მნიშვნელოვანი პროდუქტია, რომლის მეშვეობითაც ორგანიზმს მეტ C ვიტამინს შესძენთ. მისი მიღება რეკომენდებულია დილას, საუზმეზე ნატურალური წვენის ან სმუზის სახით. 

 

ესეც საინტერესოა: როგორ აღვიდგინოთ ენერგია?! - 4 ჯანსაღი სასმელი