ანა გელენავა • 1633366527

არაჯანსაღი დამოკიდებულება ჯანსაღ კვებაზე; ნიშანი იმისა, რომ შესაძლოა ორთორექსიას ებრძოდეთ

ჯანსაღ ცხოვრებაზე საუბარი ბოლო წლების განმავლობაში აქტიურად დაიწყეს და საზოგადოების ნაწილი შეთანხმდა იმაზე, რომ საჭიროა უფრო მეტად ყურადღებით შევარჩიოთ საკვები, დავგეგმოთ დღე და დრო დავუთმოთ საკუთარ თავზე ზრუნვას.

რაში გამოიხატება  ჯანსაღი ცხოვრების წესით ცხოვრება?

კვება ყველაზე მნიშვნელოვანი ნაწილია, რომელიც განსაზღვრავს რამდენად ჯანსაღი ცხოვრების წესით ვცხოვრობთ. ჯანსაღად კვების ერთადერთი მიზეზი ჯანსაღი ცხოვრების წესი არ არის, ეს შეიძლება დაკავშირებული იყოს წონის კლების სურვილზე.

მუდმივად გვესმის, რომ წონის დასაკლებად ერთადერთი გამართლებული გზა არის ჯანსაღად კვება. უამრავი ცნობადი სახე და არამარტო ისინი მუდმივად გვიზიარებენ თავიანთ კვების რაციონს. სწორედ მათ მიერ გაზიარებული რეცეპტებით ვადგენთ ჩვენი კვების რეჟიმს და დიახ, აქ ვუშვებთ შეცდომას და გვავიწყდება, რომ თითოეული ადამიანის ორგანიზმი არის ინდივიდუალური.

 

ორთორექსია არის ჯანსაღ კვებაზე დამოკიდებულება და შეპყრობა. ორთორექსიასა და ანორექსიას შორის ძალიან ვიწრო ზღვარი გადის, რომლის დანახვაც ხშირად რთულია. ორთორექსია გვაიძულებს შევამციროთ რაციონი, მივიღოთ განსაზღვრული რაოდენობით საკვები და საბოლოოდ ორგანიზმი იღებს ერთი და იმავე პროდუქტს ყოველდღე და ულუფები უფრო და უფრო მცირდება.

ორთორექსია აღიარებულია როგორც მენტალური პრობლემა, რომელიც იწვევს კვების დარღვევას, საკუთარი თავი არ გვაძლევს საშუალებას მივიღოთ კალორიული საკვები და ვცდილობთ მუდმივად ვაკონტროლოთ მისი რაოდენობა.

ორთორექსია შეიძლება გახდეს რთული დაავადებების გამომწვევი მიზეზი, ამიტომ აუცილებელია კვების რაციონი იყოს მრავალფეროვანი, არ შევზღუდოთ საკუთარი თავი და ჩვენ ორგანიზმს მივაწოდოთ საჭირო პროდუქტები საჭირო რაოდენობით.

 

რა ნიშნები ახასიათებს ორთოდექსიას?!

 

🔻მხოლოდ განსაზღვრული პროდუქტების მიღება ( თუ არ გაქვთ ალერგია და განსაკუთრებული რეაქცია ამათუ იმ პროდუქტზე). 

თუ შეამჩნიეთ, რომ მხოლოდ ერთი სახის პროდუქტს იღებთ მუდმივად და უარს ამბობთ სხვა საკვებზე უმიზეზოდ ორთორექსიის პირველ გამოვლინებად ჩათვალეთ. 

🔻უარის თქმა იმ საკვებზე, რომელსაც არაჯანსაღად თვლით 

რა თქმა უნდა სწრაფი კვება ნამდვილად არაჯანსაღია, მაგრამ თქვენ შეიძლება არაჯანსაღად ჩათვალოთ ნებისმიერი საკვები გარდა ბოსტნეულისა. ასევე, ხშირად ადამიანები მიიჩნევენ, რომ თუ მიიღეს რაიმე არაჯანსაღი უნდა დასაჯონ საკუთარი თავი, მაგალითად საკუთარ თავს უწესებენ  2 საათიან ვარჯიშს გასული დღით მიღებული არაჯანსაღი საკვებისთვის. 

🔻უარის თქმა გარკვეულ აქტივობებზე, რადგან მიიჩნევთ რომ ვერ შეძლებთ ჯანსაღი კვების დაცვას

შიში იმისა, რომ დაარღვევთ ჯანსაღი კვების რეჟიმს, ვერ გაუძლებთ ცდუნებას და თვქენთვის საყვარელ არაჯანსაღ საკვებს მიიღებთ, შეიძლება მიზეზეი გახდეს სახლში დარჩენის. თუ თავს ზღუდავთ და ამ მიზეზით სახლში რჩებით დაფიქრდით, არის თუ არა ეს ჯანსაღი აზროვნება. 

🔻მუდმივად ჯანსაღ კვებაზე ფიქრი 

გამუდმებით ფიქრი იმაზე, იკვებებით თუ არა საკმარისად ჯანსაღად, იყო თუ არა მიღებული პროდუქტი ნამდივლად ჯანსაღი, კალორიების დათვლა და საკუთარი თავის შეზღუდვა ძალიან სერიოზული ნიშნებია. 

🔻 სხვა ადამიანების გაკრიტიკება არაჯანსაღად კვების გამო 

ადამიანები, რომლებიც არ იცავენ გარკვეულ რეჟიმს და იკვებებიან არც თუ ისე ჯანსაღად იწვევენ თუ არა თქვენში ულმაყოფილებას? თუ ამ კითხვაზე პასუხი დადებითი აუცილებელია დაფიქრდეთ და სწორად შეაფასოთ თქვენი ცხოვრების წესი. ჯანსაღ კვებაზე დამოკიდებულებამ შეიძლება გამოიწვიოს ძალიან რთული დაავადებები.