ნინი ნიქაბაძე • 1624686203

4 ტიპის ხილი საუკეთესო დღის დასაწყებად

ბალანსირებული საუზმე ერთ-ერთი ყველაზე მნიშვნელოვანი ელემენტია დღის სწორედ წარმართვისთვის. დატვირთული დღისთვის კი აუცილებელია ორგანიზმი ენერგიითა და ვიტამინებით შევავსოთ.

 

წარმოგიდგენთ ხილს, რომლის საუზმეზე მიღების შემდგომ ენერგიით და ვიტამინებით გააჯერებს თქვენს ორგანიზმს.

ვაშლი

ალბათ გაგიგიათ ფრაზა ‘an apple a day keeps the doctor away’. დიახ, თქვენ ნამდვილად შეგიძლიათ აირიდოთ თავიდან ექიმთან ხშირი ვიზიტი, თუ თქვენს ორგანიზმს მიაწოდებთ საჭირო ვიტამინებს, რომელსაც შეიცავს ვაშლი. ვაშლი სავსეა C, B1, B2, B6, E ვიტამინებით, ანტიოქსიდანტებითა და რკინით. მისი მთავარი დადებითი თვისება კი იმუნიტეტის გაძლიერებაა.

აღსანიშნავია, რომ ვაშლის საუზმეზე რეგულარულად მირთმევით შეამცირებთ გულის დაავადებათა განვითარების რისკს და ამავდროულად, მისი მიღებით გაიუმჯობესებთ საჭმლის მონელების პროცესს.

კივი

კიდევ ერთი ხილი, რომელიც დიდი რაოდენობით C ვიტამინს შეიცავს და უზრუნველყოფს იმუნიტეტის გაძლიერებას არის კივი. კივი უზრუნველყოფს მეტაბოლიზმის დარეგულირებას.

ამავდროულად, იგი სილამაზის შენარჩუნების მთავარი საიდუმლოა. კივი აჩქარებს უჯრედის აღდგენას და აფერხებს გაჭაღარავებას.

საუზმეზე მიღებული კივი, არამარტო იზრუნებს თქვენი იმუნიტეტის გაძლიერებაზე, არამედ ხელს შეუწყობს თქვენი სილამაზისა და ახალგაზრდობის შენარჩუნებას.

ბანანი

ბანანი ენერგიის მთავარი წყაროა. იგი შეიცავს B ჯგუფის ვიტამინებს და ისეთ მინერალებს როგორიცაა კალიუმი, მანგანუმი და მაგნიუმი. ბანანი უზრუნველყოფს ენერგიის გამომუშავებას.

 

მოცვი

ერთი ულუფა მოცვი შესანიშნავი საკვებია დღის დასაწყებად. მოცვი შეიცავს C და B ჯგუფის ვიტამინებს. ის შეგმატებთ ენერგიას და ასევე, უზრუნველყოფს საჭმლის მონელების პროცესის გაუმჯობესებას.

გახსოვდეთ, საუზმე წარმოადგენს თქვენი პროდუქტიულობის მთავარ წყაროს.