ნინო დიაკონიძე • 1661166060

მწვანე ჩაი - კანის მოვლის საიდუმლო ინგრედიენტი

როდესაც თავის მოვლაზე ვსაუბრობთ, მნიშვნელოვანია გავითვალისწინოთ პროდუქტში შემავალი ინგრედიენტები, მოვიძიოთ ინფორმაცია მათი თვისებების და მახასიათებლების შესახებ, რათა არ გამოვიყენოთ ისეთი თავის მოვლის საშუალება, რომელიც ჩვენი ჯანმრთელობისთვის საზიანო აღმოჩნდება. მხოლოდ სწორად შერჩეული ინგრედიენტების დახმარებით შესაძლებელია მივიღოთ ეფექტური შედეგი.


რა არის მწვანე ჩაი? 

 

თავისი ბუნებრივი თვისებებითა და მახასიათებლებით მწვანე ჩაი თავის მოვლის პროდუქტებში ფართოდ გამოიყენება. ის ცნობილია მისი ანტიოქსიდანტური და ანთების საწინააღმდეგო თვისებებით. მწვანე ჩაი ასევე შეიცავს კოფეინს და ტანინს, რომლის გამოყენების შედეგად შეშუპება მცირდება.

მწვანე ჩაი არის როგორც დამცავი, ასევე მაკორექტირებელი თვისებების მქონე ინგრედიენტი, სწორედ ამიტომ ხშირად გვხვდება ისეთ პროდუქტებში, როგორიცაა გამწმენდი საშუალებები, შრატები, სახის და ტანის დამატენიანებელი საცხები და ნიღბები.

მწვანე ჩაის სასარგებლო თვისებები:

  • მისაღებია ყველა ტიპის კანისთვის  
  • არ იწვევს გაღიზიანებას
  • მისაღებია მისი ყოველდღიურად გამოყენება
  • არბილებს და იცავს კანს
  • ამშვიდებს კანს და ამცირებს დაბერების ნიშნებს


მწვანე ჩაი როგორც ანტიოქსიდანტი 

 

ანტიოქსიდანტი არის მოლეკულა, რომელსაც შეუძლია ისეთი მოლეკულების ოქსიდაციის შეფერხება, რომლებიც მეცნიერთა ვარაუდით, მრავალ დაავადებას იწვევენ.

მწვანე ჩაი ანტიოქსიდანტია, რომელიც კანს ისეთი გარემოს სტრესისგან იცავს როგორიცაა ულტრაიისფერი გამოსხივება და დაბინძურება, სწორედ ამიტომ მწვანე ჩაი საკმაოდ კარგი გამოსავალია თუ გვინდა კანი დავიცვათ დაბინძურებისგან.

იგი არა მხოლოდ იცავს კანს, არამედ ამცირებს დაბერების ნიშნებსაც. მწვანე ჩაის შეუძლია შეამციროს მზის გამოსხივებისგან მიღებული ისეთი დაზიანება, როგორიცაა მაგალითად პიგმენტაცია, უხეში ტექსტურა და წვრილი ხაზები. 

მწვანე ჩაი საკმაოდ მოსახერხებელია ცხიმიანი და აკნესკენ მიდრეკილი კანის მქონე ადამიანებისთვისაც, იქიდან გამომდინარე, რომ მას შეუძლია ცხიმის შემცირება და გააჩნია ანთების საწინააღმდეგო და ანტიბაქტერიული თვისებები.


მწვანე ჩაი ამცირებს ანთებით პროცესს, ამიტომ ის უსაფრთხო და რეკომენდებულია იმ ადამიანებისთვისაც, ვისაც ისეთი კანის დაავადებები აქვთ, როგორიცაა ეგზემა, ფსორიაზი და ქერტლი.


 
რა შემთხვევაში უნდა მოვერიდოთ მწვანე ჩაის


თითოეული პროდუქტის შერჩევისას, საჭიროა დავაკვირდეთ მათ შემადგენლობასა და ინგრედიენტებს, რადგან თითოეული მათგანი გავლენას ახდენს ჩვენს ორგანიზმზე. მწვანე ჩაი ერთ-ერთი ყველაზე უსაფრთხო პროდუქტია და მის გამოყენებას არ ახლავს გვერდითი მოვლენები, გარდა იმ შემთხვევებისა, როდესაც ადამიანი ალერგიულია მწვანე ჩაიზე.