სალომე აგურაშვილი • 1649746126

E ვიტამინი - კანის აღდგენის საიდუმლო წესი

სილამაზის ინდუსტრია სწრაფი ტემპით ვითარდება და ყოველდღე ახალ, უფრო ინოვაციურ და დახვეწილ პროდუქტს წარმოგვიდგენს. სწორედ, ამიტომ ყველას აქვს სურვილი სცადოს ახალი პროდუქტი, თუმცა ამასობაში, იმ ინგრედიენტების შესახებ გვავიწყდება, რომლებსაც გაცილებით პოზიტიური გავლენა გააცნიათ. ერთ-ერთი ასეთი ინგრედიენტი კი E ვიტამინი გახლავთ.

E ვიტამინის მთავარი ფუნქცია უჯრედების დაბერების პროცესის შენელება, და ახალგაზრდული იერის შენარჩუნებაა. 
 
E ვიტამინი ორგანიზმში ისეთი საკვების საშუალებით ხვდება, როგორიცაა ცენარეული ზეთი, ხორბალი, სოიო, ბროკოლი, ისპანახი, გოგრა, ბრიუსელური კომბოსტო, კვერცხი, რძე. 
 
თავის მოვლის საშუალებებში კი წარმოდგენილია ზეთის და საცხის სახით. 
 

E ვიტამინის სასარგებლო თვისებები:

 

👉 იცავს ლიპიდურ ბარიერს:  ვიტამინი E ამყარებს ჩვენი კანის თავდაცვისუნარიანობას, ის მალევე აღადგენს გამომშრალ და დაზიანებულ ნაწილებს; 

👉 ინარჩუნებს კანის ტენიანობას: პროდუქტები რომლებიც შეიცავს E  ვიტამინს ეხმარება კანს იყოს ხანგრძლივად დატენიანებული; 

👉 გააჩნია ანტიოქსიდანტური თვისება: ვიტამინი E ხელს უწყობს მავნე თავისუფალი რადიკალების განეიტრალებას და მისი ანტიოქსიდანტური მოქმედების გამო, ხელს უშლის ცხიმის დაჟანგვით პროცესს, რაც შესაბამისად აფერხებს კანზე შავი წერილების წარმოქმნას;

👉 იცავს კანს მზის ზემოქმედებისგან: E ვიტამინს გააჩნია მზის სხივებისგან დამცავი ფუნქცია. ჩვენთვის ცნობილია, რომ ზედმეტი ან არასაჭირო რაოდენობის მზის სხივი უარყოფით ზემოქმედებას ახდენს ჩვენს კანზე. სწორედ ამიტომ, როდესაც E ვიტამინი კომბინირებულია C ვიტამინთან მზის დამცავ კრემებს და დამატენიანებლებში, ის მზის დამცავის ეფექტურობას 4-ჯერ ზრდის. 

როგორ გამოვიყენოთ ვიტამინი E?

 

ვიტამინის შემცველი პროდუქტის გამოყენების დროს, აუცილებელია ვიცოდეთ მისი მოხმარების წესი. ვიტამინის როგორც ნაკლებობამ, ასევე მისი გადამეტებით მოხმარებამ შესაძლოა, ზიანი მოუტანოს ჩვენს ორგანიზმს.  

E ვიტამინის კაფსულის სახით პირდაპირ კანზე დატანით, არსებობს რისკი გამოიწვიოს დერმატიტი, განსაკუთრებით საფრთხილოა თვალების გარშემო ადგილები. ამდაგვარი ფორმით E ვიტამინის მიღებამ შესაძლოა გამოიწვიოს ფორების გაფართოება. ეს კი განსაკუთრებით საფრთხილოა იმ ადამიანთათვის, რომლებსაც აწუხებთ აკნე ან რაიმე ტიპის გამონაყარი.  აუცილებლად გასათვალისწინებელია ის ფაქტი, რომ ყველას ორგანიზმი ინდივიდუალურია და თითოეულ ნივთიერებაზე განსხვავებულად რეაგირებს, ამიტომ სასურველია რომ კარგად ვიცნობდეთ ჩვენს ორგანიზმს, ექიმთან კონსულტაცია კი ამაში ნამდვილად დაგეხმარებათ.

ესთეტიკური სილამაზის გაუმჯობესებასა და შენარჩუნებასთან ერთად აუცილებელია ვიზრუნოთ ჯანმრთელობაზეც.