სალომე აგურაშვილი • 1650719769

აზიური ცენტელა - კორეული სილამაზის საიდუმლო

რა არის აზიური ცენტელა?

აზიური ცენტელა არის ყინვაგამძლე, უჭკნობი მცენარე. საუკუნეების განმავლობაში მას გამოიყენებდნენ კულინარიასა და მედიცინაში.

მისი შემადგენლობა საინტერესოა, ის მრავლად შეიცავს ამინომჟავებს, ცხიმოვან მჟავებს და ფიტოქიმიკატებს, რის გამოც იგი აქტიურად გამოიყენება თავის მოვლის პროდუქტებშიც. აღსანიშნავია, რომ აზიურ ცენტელას რეგენერაციული და დაბერების საწინააღმდეგო ეფექტი გააჩნია. გარდა ამისა, იგი ერთ-ერთ ძლიერ დამატენიანებლად არის აღიარებული.   

აზიური ცენტელა სილამაზის პროდუქტებში 

იქნება ეს კანის მოვლის საფეხურები თუ კოსმეტიკური ბრენდები, სამხრეთ კორეა ამ მხრივ დღესდღეობით სახელგანთქმულია. შესაბამისად, ხშირად შეიძლება შევხვდეთ ისეთი კანის მოვლის საშუალებებს, რომლებიც შეიცავს აზიურ ცენტელას.

აზიური ცენტელას გააჩნია მრავალფეროვანი სასარგებლო ფუნქციები. კანის მოვლის პროდუქტებში იგი გამოიყენება როგორც დაბერების და ანთების საწინააღმდეგო პროდუქტი. ამავდროულად, მას გააჩნია უნარი შეამციროს სიწითლე კანზე და უზრუნველყოს ნაწიბურების მკურნალობა.

მისი გამოყენება რეკომენდებულია მგრძნობიარე, ასევე აკნესკენ მიდრეკილი კანისთვის. 

რატომ გახდა აზიური ცენტელა ერთ-ერთი მოთხოვნადი პროდუქტი? 

ბოლო პერიოდის განმავლობაში აზიური ცენტელა ერთ-ერთი ყველაზე ცნობადი ინგრედიენტი გახდა. ამის ერთ-ერთი მთავარი მიზეზი მისი ბუნებრიობაა. მომხმარებლებს სწორედ ბუნებრივი ინგრედიენტებისგან შექმნილი კანის მოვლის საშუალებები იზიდავს.

კანის მოვლის საშუალებების შეძენის დროს მომხმარებელი ეძებს პროდუქტს, რომელიც არ არის რაფინირებულ და ამავდროულად, არ შეიცავს ქიმიკატებს და დანამატებს.  
 

როგორ მოიხმარენ აზიურ ცენტელას სხვადასხვა ქვეყნებში

ჩინეთში აზიური ცენტელას„სიცოცხლის სასწაულებრივ ელექსირად“ მოიხსენიებენ.  ის გამოიყენება ინდურ მედიცინაში სხვადასხვა დაავადების სამკურნალოდ, მათ შორის კანის დაავადებების (ეგზემა, ფსორიაზი).

ტაილანდსა და ვიეტნამში ადამიანები აზიური ცენტელასგან ცივ სასმელებს ამზადებენ და მას დაბერების საწინააღმდეგო სასწაულმოქმედ სასმელად აღიარებენ.