ნინი ნიქაბაძე • 1628354148

სად დავისვენოთ ზაფხულის ცხელ დღეებში?!

გიფიქრიათ რამდენად სწრაფად გადის ზაფხული - სეზონი, რომელსაც ყველა მოუთმენლად ელის?!

დასვენება, ცხელი ქვიშა, ზღვა, სუფთა ჰაერი, ტყე, კარავი - ეს ის მცირე ჩამონათვალია, რასთანაც ზაფხული ყველასთვის ასოცირდება.

ბოლო დროის განვითარებულმა მოვლენებმა, მთელი მსოფლიოს მასშტაბით შიდა ტურიზმი მეტად განავითარა. საქართველოც არ არის გამონაკლისი. ახლა მოსახლეობა ცდილობს საკუთარი ქვეყნის 'სიმდიდრის' აღმოჩენას და შვებულების ქვეყნის შიგნით დაგეგმვას. 

წარმოგიდგენთ საქართველოს მასშტაბით 4 ადგილს, სადაც შეგიძლიათ მოიწყოთ უსაფრთხო და კომფორტული დასვენება: 

1. Castello Mare Hotel & Wellness Resort Tsikhisdziri

 

სასტუმრო და გამაჯანსაღებელი კომპლექსი კასტელო მარე მდებარეობს ციხისძირში. სხვადასხვა ლანდშაფტი გიქმნით დასვენების უნიკალურ გარემოს. აქ მარტივად შეგიძლიათ იგრძნოთ ტყიდან მონაბერი ნიავის სიგრილე და ზღვის სასიამოვნო სუნი ერთდროულად.

სასტუმრო გთავაზობთ სხვადასხვა უნიკალურ სერვისს. თქვენ შეგიძლიათ ისარგებლოთ როგორც აუზით, ასევე ჩაიტაროთ სპა პროცედურები. სპის ცხელ ზონაში განთავსებულია: ფინური საუნა, მცენარეული არომასაუნა, ეცკალიპტისა და რომაული ორთქლის ოთახი, კონტრასტული შხაპი და ყინულის გორა, დიდი ჯაკუზი, ფეხის თერმოკონტრასტული აბაზანები. 

რაც მთავარია, სასტუმრო კომპლექსი კასტელო მარე გთავაზობთ 110 ნომერს წარმოდგენილს 9 კატეგორიად: სტანდარტულიდან - საპრეზიდენტო ნომრებამდე. 

2. Radisson Collection Hotel, Tsinandali Estate Georgia

 

საქართველო ცნობილია როგორც 'ღვინის ქვეყანა'. სწორედ, წინანდლის რედისონ ქოლექშენი წარმოდგენილია ღვინის ქვეყნის გულში, კახეთში. თუ თქვენ გსურთ ქალაქს მოსწყდეთ და დატკბეთ სიმშვიდით, Radisson Collection Tsinandali სწორედ თქვენთვისაა განკუთვნილი. 

სასტუმროში წარმოდგენილია 124 ოთახი, რომლის თითოეული მათგანი გთავაზობთ განსაცვიფრებელ ხედებს განსაკუთრებული დასვენებისთვის. თქვენ შეგიძლიათ აუზიდანაც კი დატკბეთ კავკასიონის ხედით, მიირთვათ უგემრიელესი საკვები და ისარგებლოთ გამაჯანსაღებელი სპა ცენტრით. 

3. Villa Mosavali - ვილა მოსავალი

 

თუ თქვენ ქალაქგარეთ გასვლა გინდათ, თუმცა ეძებთ თბილისთან ახლომდებარე რეკრეაციულ ადგილს, ვილა მოსავალი ნამდვილად თქვენთვისაა განკუთვნილი. სასტუმროს კომპლექსი მდებარეობს თბილისთან ახლოს, ნატახტარში.

კომპლექსი მოიცავს აუზს, ღვინის მარანს, ვენახებს, გარე რესტორანს – ქართული კუთხე და სასტუმროს შიდა რესტორანს, რომელიც სტუმრებს უგემრიელს ქართულ კერძებს სთავაზობს. თქვენ შეგეძლებათ მიიღოთ მონაწილეობა ღვინის დეგუსტაციაში. 

ღია აუზთან ერთად, შეგეძლებათ ისარგებლოთ საუნითა და ჯაკუზით, რომელიც ნამდვილად იზრუნებს თქვენი კომფორტული დასვენებისთვის. 

სასტუმრო მოიცავს 28 ოთახს, რომელიც გათვლილია სხვადასხვა ტიპის დამსვენებელზე და სრულად არის მორგებული სტუმრების კომფორტზე. 

4. Kazbegi View 

 

თუ თქვენ გიყვართ მთაში დასვენება და ეძებთ რეკრაციულ ადგილს განსაკკუთრებული ხედით Kazbegi View-ს კოტეჯები ნამდვილად თქვენთვისაა. სასტუმრო მდებარეობს სტეფანწმნიდაში. 

თქვენ შეგიძლიათ დატკბეთ კავკასიონის ულამაზესი ხედით ზამთარ-ზაფხულ. კოტეჯები სრულად აღჭურვილია ყველანაირი საშუალებით, რომელიც თქვენს დასვენებას მეტად კომფორტულს გახდის. 

 

გახსოვდეთ, დასვენება აუცილებელია თქვენი ორგანიზმისთვის, რათა იყოთ მეტად ეფექტური.